掃呢頁CODE去手機

2017年11月3日 星期五

張智霖驚爆收狂迷血書 仲喺屋企門口等佢 __,張智霖,

張智霖話佢有遇過狂迷。韓國人氣女團少女時代成員YoonA與藝人張智霖(Chilam)為SalvatoreFerragamo廣東道旗艦店重新揭幕擔任嘉賓 ...


張智霖話佢有遇過狂迷。


韓國人氣女團少女時代成員Yoon A與藝人張智霖(Chilam)為Salvatore Ferragamo廣東道旗艦店重新揭幕擔任嘉賓,吸引二百粉絲在街頭圍觀。一頭短髮的Yoon A穿上白色連身裙,她不時向粉絲揮手,但未有接受訪問。

同韓星有緣

Chilam表示今次第一次見Yoon A,他自認跟韓星有緣,他說:「我之前拍真人騷,同Super Junior嘅金希澈合作咗兩季,大家做咗好朋友,又同張東健有過面之緣。(邊個韓星係你偶像?)我鍾意全智賢同宋慧喬,見到宋慧喬結婚好幸福,希望佢永遠幸福。其實鍾意一個偶像唔係要變成夢中情人,見到佢開心就好滿足。我啲粉絲都好理智同支持我,唔好有啲迷狂諗埋一邊,扭曲咗支持嘅定義。(有冇遇過狂迷?)有,好似喺你屋企門口等幾日,用血寫信,不計其數,不過好在依家電子發達唔會再有咁恐怖嘅嘢。」

第一次買物業

提到Chilam早前以近億元購入豪宅,太太袁詠儀指他以是首次置業方式購買,Chilam坦言:「唔係第一次買物業,只係首次以自己名義去買,以前係用公司名,有啲人點解唔用兩個人嘅名,大家都心知肚明點解,喺香港唔好浪費咗首置嘅優惠,大家一人有一次要享用。(好快在太太買?)睇啱而又好鍾意嘅話,希望有能力買。我哋好勤力工作,唔係話奬勵,而係中國人傳統思想要有舊磚頭。(要買番咁上下價錢嘅樓畀太太?)唔知。(佢話狙擊你?)唔會,佢講啫!其實啲屋都唔係我哋,只係暫時擁有一陣,生命好短暫,留畀小朋友,之後又唔知去咗邊,我睇得好淡,好多朋友睇到報道知我買咗樓都恭喜我,我話真係開始要供,係『供起』。」

未見過城城B女

另外,問到Chilam可有見過好友郭富城的BB女?他說:「生日有同佢(郭富城)見過面,但BB未見過,我都好期待,要大家有時間,佢又忙到不得了,我又拍緊網劇,希望嚟緊農曆新年前見到。」


來源 source: http://hk.on.cc
鍾意就快D Share啦!