崔建邦坦言好珍惜與野人這段情，亦感謝舊愛唐詩詠的愛護，至於傳聞的文清新歡李靖筠就沒有正面回答。
藝人崔建邦（Amigo）與Kawaii到尖沙咀為AEG Music Channel《十大最受歡迎演唱會頒獎禮暨樂壇頒獎禮2017》記者招待會擔任司儀，Amigo受訪時，提到與林珊珊女兒DJ野人（TJ/李怡）分手，他坦言很珍惜這段關係：「TJ係個好女仔，我尋日（2日）都喺網上寫咗一段文章，我估到今日見到記者都會問一次。日前有一單關於我哋嘅娛樂新聞唔係真嘅，唔想呢啲新聞沒完沒了，有好多揣測，應該由我哋當事人講。」他表示二人分開已有一段時間，分手是兩人的共識：「依家仲感覺咁好、友情咁好，不如停一停先，各自為夢想同工作努力。」
拒談新歡
問曾否挽留？Amigo強調雙方都有經營和努力過：「我哋仲係好朋友。（因了解而分開？）畀番啲空間我哋。（關林珊珊事？）我同佢分開完全唔關任何外在因素同其他人事，我哋自己問題。」談及被指撻着文清新歡李靖筠時，他搖頭沒有正面回答。
互相支持
說到另一舊愛唐詩詠知道他分手後反應愕然，他坦言不知道原因：「我諗大部分人都愕然，因為係一段好好嘅感情。（感情受到重創？）冇，大家好愛護大家。」Amigo指他和野人互相支持，他支持對方做瑜伽，對方亦支持自己參加拳賽，認為沒有對方支持難以完成。說到二人很夾，他直言：「係㗎！」
來源 source: http://hk.on.cc
|
鍾意就快D Share啦！
|
|
|
