劉心悠首次與苗僑偉合作，仲犧牲咗一頭長髮添！
藝人劉心悠到尖沙咀Mira Place出席「DOO Something This Christmas」揭幕活動，更即場與英國Pop Art藝術家Mr.Doodle一齊繪畫咕𠱸。
以一頭短髮現身的心悠被問到聖誕如何度過，她說：「未知，其實我同三哥（苗僑偉）同Bosco（黃宗澤）開緊劇集《守護者》，啱啱去咗布拉格，依家喺深圳拍緊，之後喺香港同馬來西亞拍，下年農曆新年前應該拍完。（所以剪短咗頭髮？）因為呢個角色係比較男仔頭啲嘅女仔，導演覺得我以前嘅造型太女性化，覺得短啲會易說服觀眾。」
問到喜不喜歡自己的短髮造型，心悠說：「覺得好方便。（幾耐未冇試過剪短頭髮？）我未試過，今次第一次，但試過戴咁短嘅假髮。（唔會再留長頭髮？）頭髮好快長，但我明白男人好少長頭髮，因為真係好方便，整少少造型已經可以出街。」她又笑言剪短髮後個人變得爽朗。
心悠又表示首次與三哥及Bosco合作，她說：「嗰日影海報，佢哋企喺我隔籬好高，我要抬高頭望，覺得自己好渺小好女仔。雖然個造型男仔頭咗，但企喺佢哋隔籬我依然好似小鳥依人咁。」她又指劇中飾演保險調查員，角色與自己相似，都是跑馬拉松，又食得清淡。
來源 source: http://hk.on.cc
|
鍾意就快D Share啦！
|
|
|
