索模「翻版Angelababy」卓楓而（Candice）現年26歲擁有天使臉孔加上纖瘦身材，在Instagram擁有逾10萬Fans，有「ig女神」之稱，任模特兒多年的她今年正式轉做藝人，出寫真又做歌手出歌，人氣愈來愈高，原來她曾與現年30歲的前港姐陳庭欣（Toby）爭仔！有傳年半前Toby硬撬Candice的初戀有米律師男友唐偉倫（Warren），當時Candice曾向身邊友人哭訴！至於Toby近期與Warren拍拖愈來愈高調，以33.5C蜜桃胸征服對方，不過Toby聲稱兩人只是好友。翻查資料，Warren絕對是位靚女殺手，除了Candice及Toby，亦曾與楊恭如拍拖。
19歲先初戀
最近Candice拍攝時尚品牌廣告，化身學生妹配合初戀主題，校服Look獲網友激讚清純索爆，她亦接受專訪大談初戀，話題自然離不開Warren。Candice先講到中學讀女校未試過「校園戀愛」：「小學老師幫我揀女校，覺得可以專心啲讀書，到中四我開始做model，又忙做嘢，到讀大學先開始嘗試男女一齊上堂嘅滋味，但要兼顧工作，冇試過班房之內嘅小曖昧，係有啲可惜。」到近19歲Candice在朋友介紹下認識Warren，遲遲未開齋拍拖的她被問到對方有何吸引之處？她說：「講唔出，佢都冇咩追我㗎！可能係有啲與別不同嘅感覺，佢比較成熟，教到我嘢，相處舒服。」Candice直言初戀有不少甜蜜時刻，因每件事都是第一次發生，份外難忘，對方亦曾為她炮製驚喜，試過突然叫她到機場出發旅行。
「做人最緊要誠實」
不過，這段初戀維持約四年，到去年約三月告終，有指分手原因是Toby介入，提到陳庭欣，原本笑容滿臉的Candice聞言即收起笑容封嘴：「不值得一提，件事都咁耐，唔想再講！」至於有否嬲前男友？Candice豁達地說：「唔會嬲啲咩，感謝生命中出現嘅每一個人。」問到經歷過上次戀愛，下次擇偶要有具備甚麼條件？她若有所指地說：「做人最緊要誠實，雙方要咩都講，唔好收收埋埋，希望完全坦誠，價值觀一致。（專一？）呢樣一定要（心急再拍拖？）期待有個人支持，但依家專心工作，少咗機會識男仔，唔急。」
陳庭欣唔想被人利用
對於被Candice指「不值一提」，問到Toby是否認識對方？Toby亦作出反擊，明言不希望被人利用上位：「他人同自己嘅感情事都不值一談，唔想亦唔會回應陌生人嘅個人專訪內容，唔希望被他人利用作宣傳或其他用途，再重申，個人意願希望感情事低調，同家人和三隻鸚鵡交待就可以，留返啲私人空間畀自己，多謝大家！」
場地：Otto Restaurant
----------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
