祝Rain繼續多Job到冇停手呀！
近年主攻內地市場的李彩華（Rain）不時穿梭兩地賺人仔，11月11日是其34歲生日，亦是內地「雙11」的大節日，故吸引不少內地商家邀請她剪綵，壽星女揮一揮剪即袋七位數酬勞。正日生日當天，李媽媽與Rain切蛋糕慶祝，之後赴內地出席剪綵活動後趕回香港，晚上由男友何遠恒細心籌備校園主題的驚喜生日派對，並叫齊一眾好友包場慶祝。
問到Rain為何生日要工作？她說：「雙11係內地強勁嘅節日，又係我生日，所以每年雙11好多廠商請我去賀佢哋開張或剪綵。（酬勞幾多？）都有七位數㗎！今次做完嘢又夾到飛機班次，所以返香港同朋友慶祝。（收到咩禮物？）朋友送啲我鍾意嘅嘢畀我，手袋、電話同護膚品，都係一份心意！」又透露好姊妹谷祖琳特意送她喜愛的卡通人物造型蛋糕：「其他朋友買咗個另一個蛋糕，今年啲蛋糕好靚，我好開心，全部切完吹完蠟燭唔捨得食，好似蠟像咁擺晒喺度。」
談到生日願望，Rain希望身體健康：「能夠每年同一班愛我嘅朋友一齊過就Perfect！同埋要身體健康，之後繼續爆Job！每日都過得充實，因為工作好開心。」
來源 source: http://hk.on.cc
|
鍾意就快D Share啦！
|
|
|