相戀17年未註冊拒婚書束縛
黃翊與電視台出身的陳存正相愛17年，並育有現年12歲的兒子，但陳存正受訪時自爆原來多年來兩人都未有註冊結婚：「呢個只係形式問題，我睇得太多人結婚又離婚，對婚紙冇信心，一張紙唔可以維繫到兩個人，如果兩個人感情好，根本唔需要婚書。」
儘管沒有名分，但兩人一直以太太及丈夫相稱，黃翊對陳存正有情有義，用心照顧腎病復發的太太，但禍不單行，原來他自己數月前亦因不小心以致椎間盤突出，他說：「當時好棘手，影響到我錄唔到音，我一集中唱歌，隻手就好似觸電咁，痹到我瞓唔到覺，要半坐咁瞓，個幾星期都係咁。」他透露要到私家醫院檢查和做物理治療：「其實物理治療都唔係好有效，但拉頸好有用，買咗類似吹氣頸枕嘅拉頸用品，令我頸部冇咁壓迫，依家已經好咗八成，但其實我呢啲唔算乜嘢，最重要我太太冇事。」
來源 source: http://orientaldaily.on.cc
|
鍾意就快D Share啦！
|
|
|
