掃呢頁CODE去手機

2017年12月22日 星期五

【上心啲好喎師兄】心穎同富二代撻着? 天然呆馬明:恭喜佢 __,師兄,馬國明,馬明,黃心穎,心穎,富二代,劉浩龍,

以往好少有緋聞嘅馬國明,同黃心穎拍拖以嚟身邊嘅人都想佢哋開花結果,成日都有報道跟進佢哋感情狀況,早前有報道指女友黃心穎同富二代撻着,馬明就收好人卡(新 ...




以往好少有緋聞嘅馬國明,同黃心穎拍拖以嚟身邊嘅人都想佢哋開花結果,成日都有報道跟進佢哋感情狀況,早前有報道指女友黃心穎同富二代撻着,馬明就收好人卡(新聞連結: http://bit.ly/2BJ4T9d ),馬國明今日同胡定欣、唐詩詠、王浩信、田蕊妮等人喺將軍澳出席大台頒獎禮記者會,再次講到「不婚即分」呢個問題。

對於有指黃心穎同富二代撻着,馬明話報道幾搞笑,同時要恭喜心穎:「如果係真就要恭喜佢,代表佢係好好嘅女仔,好有條件。」至於有傳以結婚綁住心穎,佢就話:「冇諗過咁快結婚,冇傾過呢個話題,所以冇咩逼婚、不婚就分手。」但馬明都坦白嘅,佢話拍拖都係以結婚為前題,又強調同心穎感情冇變:「仲係了解中,要繼續了解。」

契哥傳情變,唐詩詠有冇關心吓馬明呢?唐詩詠話啱啱旅行完返香港,未睇到新聞,只係話支持馬明可以得獎。至於視帝人選,馬明就睇好歐陽震華,因為演喜劇其實好難。

胡定欣就支持好姊妹姚子羚可以拎最佳女配角,佢哋一班姊妹套旅遊節目《胡說八道真情假期》都有提名,話想成班人再去多次,但要等到胡杏兒囝囝大啲先易就期。

更多娛聞,喺晒《娛果》

http://fb.com/appledailyent



馬國明今日就話要恭喜心穎BB有富二代高求。 如果情場失意,會唔會頒個獎俾佢安慰下佢呢?
當初低調拍拖睇戲…(資料圖片) (資料圖片) 甚至情侶檔出活動(資料圖片)

鍾意就快D Share啦!