森美：男人係應該要鹹濕！
森美：「有老婆仔女嘅男人心思思，唔係只係想追女仔，只係測試吓自己係咪仲有吸引力，寶刀未老，把刀仲利唔利！男人係應該要鹹濕嘅，但對邊個鹹濕先係問題啫！偷食唔係男人天性，為食先係，佢哋唔想偷，如果要食起上嚟，大大方方，男人就會好開心！要個男人對太太一心一意，好簡單啫！只要將所有錢畀晒太太，自然會一心一意！要偷食點唔畀人知？發夢真係發夢嘅時間係得囉！點會神不知鬼不覺？我唔係明星，我係天王巨星喎，所以冇女埋身！作為人夫，我都有拒絕異性嘅能力，咁多年嚟冇一個異性對我有興趣，我本身就係一個防盜！」
陸永：「我作為人夫，都冇乜異性追求我o架喇！最好方法梗係經常放閃，成日擺一家大細嘅相出嚟，經常話畀人知，我係人夫同人父，如果咁樣仲未夠，係咪高估咗我，覺得我吸引成點呀！作為公眾人物梗係少女埋身啦，係人都知道你係公眾人物，同時又知你係人夫人父，咁人哋要格外格外嘅小心啦，一個唔覺意就背負好大嘅罪名，所以老公或男友係做娛樂圈，佢另一半係最安全，幾乎唔會、冇可能，好難去偷食，放心其實偷食唔止係男人嘅天性，我尋日先罰完我兩個女偷食，未問過我，就自己食晒成包薯片！要男人專一，其實係互動嚟嘅，首先問一條問題，女人做啲乜嘢令男人對佢可以一心一意呢？呢個係好互動嘅問題嚟o架！首先，要做一心一意，要搵到個好老婆。」
來源 source: http://orientaldaily.on.cc
|
鍾意就快D Share啦！
|
|
|