恭喜晒！
藝人鄧健泓（Patrick）與拍拖五年的石詠莉（Sukie）今日舉行婚禮，晚上將筵開20席，婚宴場地以白色簡潔為主，每圍枱均以一對新人的歌名取替枱號。
緊張到失眠
一對新人進行簽字儀式後會見傳媒，並應要求連咀兩次，又騷手上的結婚戒指，穿上低胸婚紗的Sukie有少許離罩，透露簽字期間眼濕濕，新郎哥Patrick謂：「頭先註冊咗，慶幸冇人反對，我就冇喊，出奇地冷靜，可能我比較有型，同埋腦入面不斷諗緊今日嘅情況，所以尋晚冇乜點瞓。」Sukie亦指睡前心情複雜，除了多了另一個身份外，還想起以往雙方一起經歷的事，結果僅睡了兩小時便天光。
自嘲似中伏
Sukie更指晚上準備了講話，自嘲說話不叻，寄望屆時以不超過十秒時間完成，在旁的Patrick即揶揄太太：「佢講十秒即係會講廿分鐘。（會唔會幫太太講？）我都有自己嘢講，睇佢瀨嘢囉！」Sukie聞言笑指似中伏。
Patrick透露婚宴上會向太太獻唱從未聽過的歌，更感謝婚禮上獲各方面贊助及折扣，問到是否慳回不少？他謂：「鑽飾贊助7位數字，結婚戒指入面有印住P.S I Love You，係Sukie第一隻自資唱片入面嘅暗藏訊息，其實當時想話畀大家知，我哋拍緊拖。」更指是晚婚宴花六位數字。
問到二人可有生仔計劃？Patrick謂：「你想問我哋係咪keep住造？但計劃係未有，順其自然想多啲時間過二人世界先。」Sukie聞言即撒嬌謂：「你好嘔呀！不過我成日聽嘅！」更指婚禮後各有各忙，要待二月頭才可度蜜月，預計玩三星期，順道避年。而晚上婚宴賓客則有陳志雲、黎諾懿、譚玉瑛、鄭丹瑞等。
來源 source: http://hk.on.cc
|
鍾意就快D Share啦！
|
|
|
