江嘉敏與王浩信拍攝新劇《兄弟》。
藝人王浩信與江嘉敏於尖沙咀一間拳館拍攝新劇《兄弟》，其中浩信在劇內有多場擂台打拳戲份，他更抽空操fit身形騷肌拍攝，希望以最佳狀態示人。劇組早前於廠內搭了一個擂台景，浩信於拍攝前更特地做熱身，期間大玩掌上壓，只見他盡現多舊腹肌，十分吸睛！另外，同劇演員陳志健亦有幫助浩信一起做熱身。劇情講述王浩信提出以三千元一拳利誘，向飾演其身手了得的保鏢江嘉敏、陳庭欣、楊明等對打切磋，結果江嘉敏一口答應，於擂台上被王浩信打到倒地，面露痛苦表情。
二人接受訪問時，浩信指自己的角色恃才傲物，但對要打江嘉敏感到不好意思。問到江嘉敏拍攝時緊不緊張，她笑言：「我諗好多人都等咗呢日好耐，佢哋個個都話我欠打。」而浩信亦笑言江嘉敏對他殘忍：「我好耐都冇拍被人打嗰啲場口，前兩日要被佢摑。」身旁的江嘉敏即連聲致歉。浩信續解釋說：「佢摑咗我十幾廿巴。但今次感動好多，講我喺病床昏迷，佢用呢個方法刺激我。」江嘉敏亦謂：「我好緊張，我諗被摑嗰個冇摑人嗰個咁緊張。我去到最尾係出盡全力。」浩信笑指自己有經驗都受得起，又謂如果留力便沒有很好的效果。
問到是否拍得辛苦，浩信說：「講真拍到依家都唔算話好舒服，好多唔同嘢要去準備，例如動作及體能上。（Fit咗？）依家身形比較接近拳手，以前健身感覺多啲，依家輕盈啲，希望拍出嚟打拳感覺逼真啲。收到劇本都抽時間去練拳，打拳感覺要練先似。」
至於拍《兄弟》或是《踩過界》較辛苦，他指是兩種不同的辛苦，拍《兄弟》的體能需求較大，有時都不夠時間休息，但出來效果很好，加上劇情吸引，給他很大動力。
來源 source: http://hk.on.cc
|
鍾意就快D Share啦！
|
|
|