宣萱就話自己冇咩信心拎視后。
早前憑劇集《不懂撒嬌的女人》中的「Mall姐」一角封馬來西亞視后的藝人宣萱，到電台接受訪問，有傳聞指她以自由身接拍劇集的酬勞3級跳，宣萱解釋沒有並笑言太誇張：「不過工作量就多咗好多，之前係自己Manage自己，咩都要自己去傾，傾到價錢就最尷尬，依家有經理人就輕鬆好多。」期間更自爆有人於2015年曾打擊她：「話我年紀都大，要轉行，依家好多謝佢，因為佢踢醒咗我，當下我第一個反應係唔同意，覺得唔同Age有唔同角色，講完我就勤力啲的起心肝做，唔再懶懶行，變做推動力。」
問到獲馬來西亞視后時的感受，宣萱指相隔18年獲獎好開心，個心卜卜跳：「見好多人得獎都淨係聽到多謝邊個，所以特別提醒自己要把握時間講感受。（呢個獎對你有咩意義？）鼓勵到自己，都係鍾意做戲先入行，唔係為咗錢。」
無綫頒獎典禮舉行在即，問到可有信心再下一城獲視后？宣萱表示還未確定是否出席，但已準備戰衣中：「其實都打定輸數，拎咗馬來西亞視后信心都細咗。（咁你會投畀邊個？）唐詩詠，同佢再合作覺得佢成熟咗。（咁視帝呢？）馬國明機會都大。（如果真係你拎，你有咩感受？）人生就好滿足，但比起Mall姐，更想以《使徒行者2》中的Scarlett獲得。」另外，宣萱透露已安排今年再接拍劇集，笑言自己有所要求，希望是實景拍攝，可以「做乜都得」。
來源 source: http://hk.on.cc
|
鍾意就快D Share啦！
|
|
|
