今次有仇報但係失敗呀！
藝人唐文龍到尖沙咀為進入結局周的劇集《溏心風暴3》宣傳，即場與夏雨及李司棋上演小劇場，曾被潑得一身奶茶的文龍獲安排向夏雨潑茶「復仇」，卻被對方靈活閃開。
講到有機會向夏雨潑茶，文龍笑言：「畀佢潑咁多次終於有機會還手上次喺活動係不知情咁被潑成頭都係奶茶，杯奶茶仲要係甜嘅，好澀眼，今次我有備而來戴番眼鏡！我當時仲要過海做活動，喺架車度趕換衫卸妝，不過都要多謝佢潑醒咗我嘅人氣。」
問到是否成為搶手貨，文龍即時數數手指，講到他接Job十隻手指都不夠數，文龍笑說：「剛剛北京返嚟，有同幾間製作公司傾過，樂觀啲睇都有3、4單會成事，都係拍吓網劇同電影，會係啲有潛質嘅角色。（留北京發展？）兩邊都忙，我都鍾意喺香港發展。（TVB有再搵你？）有，唔急嘅，呢套都未播完，都有香港電影搵我，最多謝大家咁包容我呢個賤男角色，播之前都有兩星期擔心到瞓唔到。」
來源 source: http://hk.on.cc
|
鍾意就快D Share啦！
|
|
|
