KiKo代表香港參與亞洲太平洋國際選美賽事。
藝人柯嘉琪（KiKo）早前代表香港參與亞洲太平洋國際選美賽事，與逾40個國家的佳麗比賽。她將會在菲律賓逗留一個月接受各種挑戰，期間要換上多個造型與其它佳麗爭妍鬥麗及考驗才藝。曾贏得中國小姐亞軍的Kiko表示今次難度更高，而且過程相當難捱，幸好她與其他佳麗結成好友，境況才不至於太慘：「呢次選美日程排得好密，項目好緊湊，經常要周圍去，搭車搭船幾個鐘，每人都只係瞓到四個鐘。最唔好彩係我手機壞咗三次，又跌埋落泳池，所以同香港失聯咗好多日。而且嗰段時間好忙、好攰，之後心情好低落，留喺個島度又冇得買電話，好在呢個時候體驗到友情嘅可貴！雖然同其他佳麗認識嘅日子唔長，但大家都好肯互相幫助，會借電話畀我用，仲會交換衫着，夜晚又一齊做Gym，所以我份外有拚勁，好快就練到人魚線。」
食素Keep身材
選美比賽當然要換泳衣騷身材，一眾佳麗為了有更好的狀態都吃得很清淡，Kiko亦被她們影響，近乎完全食素：「嚟到之後變咗草食動物！個個佳麗都忍口只食沙律，令我都只係食生果同菜，間中食少少雞胸肉同魚，所以瘦得快係有原因。」而最難忘的環節是要佳麗全素顏上陣，並非個個素顔都見得人，不過Kiko就對自己有信心：「雖然平時都有捱夜，但每晚都有敷mask，皮膚都算幾光滑。呢個環節考驗佳麗天然美，我都有信心嘅。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
