掃呢頁CODE去手機

2018年2月8日 星期四

古天樂開戲力捧失戀林峯轉會療傷 [壹週刊 - 1457] __,林峯,古天樂,M1,

林峯和阿Sa一起拍網劇《PTU機動部隊》,雖然阿Sa不時撩他傾偈,但他心情麻麻,冇乜反應。探熱針古天樂開戲力捧失戀林峯轉會療傷吳千語移情富三代、前全國 ...






林峯和阿 Sa一起拍網劇《 PTU機動部隊》,雖然阿 Sa不時撩他傾偈,但他心情麻麻,冇乜反應。

探熱針

古天樂開戲力捧失戀林峯轉會療傷

吳千語移情富三代、前全國政協兼地產商施子清孫兒施伯雄,林峯被飛成定局,近日拍網劇《 PTU機動部隊》難掩愁容,跟熱戀中的阿 Sa簡直是天與地。

愛情失意,幸好事業得意,一直想闖影圈的他,現已過檔古天樂旗下,獲打本開戲力捧,頭炮是製作費二億元的《尋秦記》電影版,總算唔係雙失!

消瘦愁爆

雖已約滿英皇,但林峯現正拍攝舊東家的網劇《 PTU機動部隊》,跟阿 Sa(蔡卓妍)孖住扮演 PTU拍檔。連日所見,失戀林峯冇乜心機,消瘦愁爆。不用埋位時,寧願站在一旁發呆,阿 Sa跟他說笑都冇乜反應,認真慘豬!

被千語 BB判「死刑」,但事業卻有突破,一向想在影壇食大茶飯的林峯,獲《尋秦記》舊拍檔古天樂睇起,計劃斥資開戲力捧。終於有機會圓夢,令他跟古天樂一拍即合。

「當初阿峯離開無綫簽英皇,都係想拍電影,希望歌影視三線發展。呢幾年佢喺大陸發展得唔錯,但係電影方面冇乜進展,所以想去古仔嗰邊試吓,工作有新發展,總算有多啲寄託,否則佢心情仲差。」知情人說。

事實上,古天樂一直睇好林峯,年前他有份投資吳君如的《 12金鴨》,便想打造林峯成為新一代鴨王,可惜當時林峯未有接拍。





林峯坦言一直視吳千語為結婚對象,難怪今次被飛大受打擊。





跟古天樂拍《尋秦記》結緣,現在林峯簽約他旗下,更獲對方斥資二億拍電影版《尋秦記》力捧。





林峯只顧自己發呆,阿 Sa都冇晒辦法。

拒自組工作室

近年古天樂在影圈大展拳腳,不斷投資電影,又委派跟隨自己多年的經理人 Ronnie成立娛樂公司,將林峯歸入旗下。

「阿峯本來想喺古仔支持下,自組工作室,但佢諗諗吓又唔想兼顧太多,所以最後都係簽咗經理人約。」知情人續說。





試戲時有神冇氣,林峯真係要振作。





消瘦兼黑眼圈勁大,失戀兩隻字彷彿寫在林峯額上。





古天樂接曾志偉棒,當選新一屆香港演藝人協會會長,對圈中影響力愈來愈大。

古天樂做娛樂大亨

近年古天樂密密投資,擁有超過十家娛樂及製作公司,連電影音響、特效等後期都一手包辦。最近他更開設經理人公司,旗下有宣萱、林峯、姜皓文及余香凝、胡子彤等,更會投資 4億元開拍電影版《尋秦記》、《風雲》及《如來神掌》等,野心不小。





宣萱已成為古天樂旗下藝人。





在古天樂拉攏下,吳君如曾斟林峯拍《 12金鴨》,可惜最後沒成事。





近年林峯在內地發展甚佳,劇集《獨步天下》收視不錯。





轉公司進軍影壇,令心情陷於低谷的林峯帶來一點新衝擊。





林峯的情敵是前全國政協兼地產商施子清孫兒施伯雄,對方背景比他更雄厚,真係冇仇報。

拍《尋秦記》電影版

林峯坦言暫不搞工作室,直言:「我想先搞掂自己嘅工作,尤其係內地,都想有唔同嘅嘗試。」

加盟頭炮,古天樂會豪擲近二億元開拍《尋秦記》電影版,由旗下的林峯和宣萱擔正,呢個老闆夠實力!

拒同阿嬌孖住結婚阿 Sa唔心急再嫁

甩拖林峯殘爆,但同劇的阿 Sa和百億麻雀館太子爺石恆聰愛得甜蜜,在拍攝現場非常風騷,周圍撩人傾偈。有男友愛錫,趕戲都容光煥發。

對於阿嬌笑稱跟她一起辦婚禮可以慳好多,她笑說:「我知,但都係搞佢嗰個先,(男友求婚未?)未。」

阿 Sa身邊人透露:「阿 Sa以前都結過婚,所以依家最緊要同男友相處開心,唔心急結婚,佢亦好享受目前嘅關係,唔想大家有壓力。」

今個農曆年,她已預留時間出埠旅遊,問到是否與男友同行?她撒嬌地說︰「唔話你知,唔想俾人追訪。」不過拍此劇前,曾跟經理人霍汶希講明,農曆新年一定要放假,否則便不接拍此劇。咁大陣仗,梗係要陪男友





林峯同阿 Sa一個愁爆,一個風騷,對比甚大。





不時跟男友外遊,阿 Sa很享受現在的關係。





石恆聰和其胞妹石佩藍都很愛錫阿 Sa,入門完全沒阻力。





對於有指舊愛陳偉霆(左)的外模女友被網民恐嚇,要報警求助,阿 Sa耍手擰頭說︰「聽唔到!(以前有否收過惡意留言?)拜拜,聽唔到,唔答。」





阿 Sa唔趕住嫁,不想跟阿嬌一起舉行婚禮。

吳千語橫店風騷開工

林峯愁爆開工,但吳千語在橫店卻心情靚爆開工,更不時上載在當地的生活照上網。在港行慣名店,不過在橫店工餘卻逛街市,吃街邊小食,跟在港是兩回事。忽然平實,可能跟生活非常貼地、愛坐地鐵的新歡施伯雄有關。





長留內地拍劇,但吳千語心情出奇地好。





閒來「掃街」吃小檔,竟然貼地起來。

撰文、攝影:娛樂組 


鍾意就快D Share啦!