熱爆娛樂: 一年一劇賺夠學費朱千雪變 CM女王 [壹週刊 - 1459

2018年2月22日星期四

一年一劇賺夠學費朱千雪變 CM女王 [壹週刊 - 1459 - 生活] __,千雪,朱千雪,M1,

探熱針

一年一劇賺夠學費朱千雪變 CM女王

朱千雪 16年獲企業傳播社會科學碩士後，再宣布回歸大學攻讀法律博士課程，去年只客串電視劇《踩過界》，不過千雪 BB依然人氣高企，獲廣告商垂青的她，去年接拍七個廣告奪《廣告新人王》獎成 CM女王，雖然一年只接一劇，已經賺夠學費唔使憂。

超市入貨，朱千雪買的大部分是健康食品。

素顏行超市，朱千雪依然輪廓分明，十分省鏡。

上堂學泰拳後，朱千雪著住運動裝行超市。

朱千雪買每件食品前都會睇食品標籤，是個英明消費者。

吸金 400萬

朱千雪為了專心做學生，由無綫力捧花旦變「串星」，去年只在學校假期開工，跟舊拍檔王浩信合作《踩過界》，她也要求在假期前完工，監製惟有安排她在劇中慘死，提早離場。

「千雪講明只可以放假先拍劇，佢做《踩過界》宣傳，雖然冇乜出席活動，但都開 live同 fans傾偈，其實佢一直有觀眾緣， TVB好想搵佢拍《使徒 3》，但讀法律要用好多時間，所以應該接唔到。」身邊人透露。

無綫台慶，朱千雪拖王浩信行紅地氈，十分搶眼。

去年只拍得一部《踩過界》，飾演王浩信女友，但依然人氣爆燈。

公開醫生男友

據了解，朱千雪廣告價六十至七十萬，未計商演活動，去年接了七個廣告，收入約四百萬，足夠支付法律博士課程的七十萬學費，雖然一年一劇，吸金力依然驚人。

「千雪形象正面，幾乎零緋聞，早排爆咗佢有個放射學顧問醫生男友，大家都覺得兩個好襯，反而對佢一啲都無影響，品牌依然好鍾意用佢，大學生加上生活態度上進，佢呢一年都接咗唔少商演活動。 TVB一班女仔當中，佢應該最多廣告喺手，早排仲攞埋《廣告新人王》個獎。」知情者說。

返城大上課，朱千雪打扮簡單，不過靚女依然多人望。

朱千雪與醫生男友 Justin（後左）分隔兩地，兩人幾個月才見一次。

上堂學泰拳

讀書都要生活平衡，早前自爆應付考試，足不出戶，每日只瞓三粒鐘又有黑眼圈，考完試，朱千雪終於出關，有時間做運動行超市。日前，一身運動裝的朱千雪，在銅鑼灣做完運動，孭住背囊去超巿入貨，在裡頭逗留約半個鐘，專揀健康食品的她，買完橙汁再掃有機菜，接住再買埋韓國即食麵即走人。

「千雪大概半年前開始學泰拳，每星期上一堂，因為佢覺得唔可以淨係讀書唔理健康，所以特登請教練操身手，泰拳運動量好大，加上好快見效。出活動要 keep住好身形，所以佢規定自己有一定運動量。」知情者說。