熱爆娛樂: 大户執平貨有橋 [壹週刊 - 1460

2018年3月1日星期四

大户執平貨有橋 [壹週刊 - 1460 - 財經] __,M1,

郭文貴去年在美國大爆大陸權貴之醜聞，直指海航背後由王岐山集團操控，後來突然遭 PAG入禀紐約曼克頓法院追債。

中環人語

大户執平貨有橋

海航缺水，周遭大孖沙覬覦海航旗下資產，旨在執吓平貨，繼四叔李兆基以一百五十億元接咗兩幅啟德地皮後，繼而有 PAG太盟投資出手借錢予海航旗下的香港國際建設（ 687），玩法係 687股價愈跌得甘， PAG有權增持其股份至八成；從而將旗下啟德地皮收歸旗下，執平貨邊個唔想呢？為何偏偏選中 PAG？

其實 PAG非典型私募基金，主席單偉建是早年放洋留學的精英，曾任職於世銀，抱有回國報效之高尚情操；在金融改革路上扮演重要角色，如中銀重組上市都有參與；去年，逃亡美國的內地富豪郭文貴大爆中共貪腐「內情」，當他爆得興起之時， PAG旗下的基金（ Pacific Alliance Asia Opportunity Fund L.P.）在紐約法院向郭文貴追數八千八百萬美元，郭文貴將呢筆借款用以購入紐約中央公園豪宅， PAG適時出手，郭文貴都無再爆得咁響口，咁海航嘅平貨係咪輪到 PAG優先呢？不過，又多口提出疑問，○八年之時何解 PAG又咁睇好郭文貴，借錢佢使呢？

單偉建來頭不簡單，早年於北京對外貿易大學畢業後赴美留學，是中國早期海歸派金融精英，現為私募基金太盟投資集團（ PAG）主席。

海航近年在海外瘋狂掃貨，包括啟德多幅地皮，但背後股東身份神秘。

Hermè s避開三角地

香港唔少長線收租佬都熟讀各商鋪地形，對「三角地」都避之則吉，風水學上三角地對經營生意都麻麻哋，中環皇九正正是三角地，以往甚少本地投資者長揸，早排傳出 Hermè s以九億元出售，此地下及地庫由 Hermè s於○七年以三億元購入，持貨十一年淨袋六億元，賣鋪好過賣手袋，聽講呢單交易是透過公司股份轉讓，咁又慳番印花稅成八千萬元；以往 Hermè s買此鋪自用，地庫闊落貨品都好齊全，不過 Hermè s寧願搬到置地旗下 Landmark Prince's並大掟銀彈賣廣告，催谷新店。又係嘅，使乜咁大地方，反正 VIP如南豐陳慧慧、周凱旋，仲有甘比等超級女富豪，自然有專人把新貨送到佢哋府上任試任揀，仲要落鋪逛咩！

早前 Hermè s大賣廣告宣傳中環旗艦店，以品牌的橙色作為新店的外牆色調，名為 Orange Box。

○七年 Hermè s以愛馬仕大中華有限公司名義，斥資三億元購入皇九地鋪及地庫，是典型「三角地」。

鮑魚公主夠殺食

年初三跑完賀歲馬趁空檔返加拿大度歲，碰啱呢邊大雪連場，好在喺香港食過幾餐藥膳（包括蛇羮、花錦鱔及山瑞）補定先，咁先頂得住吓，須知道女人唔補好易老，男人唔補好易「無」㗎！

大雪不阻本少爺雅興，四出搵食娛樂。點都要去侵侵間新酒店（ Trump International Hotel, Vancouver）嘅 Mott 32公館試菜，隻北京填鴨八十蚊加紙都抵食嘅，不過隻乳豬要六百蚊加紙，呢度都係啲友慕名而去食嘅啫。第二晚再殺去 Richmond新派粵菜凱悅晚飯，整番杯紅酒，配龍蝦海鮮無走雞，出品唔錯啱價唔貴；出嚟搵食個朵唔使猛嘅，就如呢間酒樓嘅太子女，二十歲出頭綽號叫「鮑魚公主」，唔好諗多咗呀！人如其名，輕輕暱稱鮑魚公主都唔簡單！鮑魚公主主政前枱，乾鮑三百蚊唔貴，魚生壽司、甜品都掂。樓面阿姐報料，「公主」早年已跟廣州名師學藝，唔係浪得虛名！

今趟返溫哥華，見到出到嚟啲強國人依然豪使豪買，面不改容，坐到入去酒樓食肆，啲友「眼望望」我咁，好似踩入佢地頭，超！不過聽老友講，都有唔少半路中途斷咗水，落咗訂買豪宅物業都要撻訂！