最近張栢芝為「愛奇藝」真人騷節目做嘉賓時，和兩位圈中好友李浩林和關心妍齊齊戴上自家品牌的王牌配飾上鏡，曲線宣傳！
探熱針
內地真人騷爆 seed張栢芝：精神出軌比肉體出軌更嚴重
張栢芝近年創立自家品牌 See Ceci Street，作為老闆娘，當然經常要親身示範做生招牌，囝囝 Lucas和 Quintus更是他的御用模特兒，早前，栢芝上內地節目做嘉賓時，當然不會放過任何機會，叫埋主持李浩林和老友關心妍齊齊戴住配飾曲線宣傳，而栢芝當然都好識做，大方分享愛情觀外，傾到敏感嘅男女問題時，仲話精神上出軌比起肉體上出軌更嚴重！
上節目宣傳品牌
一二年，張栢芝和謝霆鋒結束了六年婚姻，栢芝獨力肩負撫養和照顧兩個囝囝的重擔，而時裝觸覺一向敏銳的她，近年更創立自家品牌 See Ceci Street，靠自己創一番事業，最近她為「愛奇藝」真人騷節目做嘉賓時，就和兩位圈中好友李浩林和關心妍齊齊戴上品牌的王牌配飾：手錶和頸鏈上鏡，曲線宣傳！「 Ceci真係放咗好多心血落去呢個品牌度，啲產品雖然都算中上價錢，但推出至今銷量的確唔錯，仲有唔少高檔品牌搵去傾合作添！」知情人士透露。
大談愛情觀
節目中，張栢芝和關心妍要接受李浩林嘅提問，一路玩遊戲一路食吓嘢飲吓酒，一向敢作敢言的栢芝亦都相當識做，大方分享湊仔經和愛情觀，又自認是一個不喜歡浪漫的人。「其實我不是一個浪漫的人，我很討厭人家送花，男生送花，特別是在情人節這樣送花，我馬上就將分數減低，我要他送我就是他的那種愛跟關懷，不是禮物！」節目尾聲，問到認為對方肉體上出軌還是精神上出軌比較嚴重時，栢芝諗都唔諗就話精神上出軌比起肉體上出軌更嚴重！
自爆當年扮玉女
節目中段， Jade玩遊戲輸咗，即時接受大懲罰，要唱栢芝首《星語心願》，唱歌對唱家班嘅 Jade來說當然不是懲罰，但唱之前佢竟然話：「太難喇，忘記歌詞！」雖然佢口講話難，但佢一開口就入晒首歌度，連原唱嘅栢芝都話：「唱得比我好聽多喇！是我唯一唱到現在廿年了！」聽到栢芝咁講，李浩林忍唔住叫栢芝唱成名曲喎！而已經絕少開金口嘅栢芝撒嬌：「唱唔到！我都未輸！」結果，李浩林同 Jade聯手夾攻，令栢芝玩輸遊戲，即場要求佢唱《任何天氣》，點知栢芝好爆咁話：「很難唱，那時候還給公司把我假裝成玉女！」
產品多元化
張栢芝最近推出自家品牌 See Ceci Street，賣手錶、手袋、皮褸、帽等等，價錢屬中價，張栢芝為宣傳新品，於 Ig瘋狂洗版，又搵來不少老友以及大仔 Lucas、細仔 Quintus任 model，做生招牌。
撰文、攝影：娛樂組
|
鍾意就快D Share啦！
|
|
|
