范冰冰同胞弟范丞丞年紀相差19歲，由於年齡差異，范丞丞出世時，網上出現諸多揣測，更有網民質疑范丞丞係范冰冰私生子，事後范冰冰否認此事，更護弟心切，一直避免細佬現身，只係間唔中喺家庭合照上，見到范丞丞，直至去年12月有傳范丞丞去完韓國接受為期一年嘅練習生訓練(新聞連結：http://bit.ly/2jbBYCE)，今年大陸真人騷，鋪路入娛圈，范冰冰更高調以行動支持，喺微博介紹胞弟。
不過，有一個巨星家姐，對范丞丞嚟講似乎有唔少壓力，喺大陸真人騷《偶像練習生》最新一集，范丞丞加盟RAP組，同隊友喺本期考核中改編歌曲《very good》，當中范丞丞喺自創歌詞中，透露出自己由細到大備受外界質疑嘅感覺，描述自己成長經歷，佢嘅詞寫上「2000年6月16那天我在青島出生、「和別的孩子一樣哭得大聲」、「在生下來那些伴隨我的謾罵聲」及「我的夢想開始質疑同時開始發懵」。
演出完後，佢接受張藝興採訪，范丞丞稱可能因為自己係范冰冰弟弟嘅關係，自細就被別人質疑，而佢只可以一直通過自己嘅努力去做，佢略帶感性咁講：「我不想因為是姐姐的弟弟而被知道，想因為是范丞丞而被大家知道 。」講完呢一句，范丞丞有啲眼紅紅、語帶哽咽，張藝興都有鼓勵同安慰佢，范丞丞就話通過比賽磨鍊，確實會進步，對於別人開始對自己嘅認可，范丞丞都覺得好開心。
來源 source: http://hk.entertainment.appledaily.com
|
鍾意就快D Share啦！
|
|
|