張天愛，由土生土長的香港女人，到搬到北京居住，搞藝術、教跳舞、養育孤兒，每月返港一兩次，看望95歲爸爸張有興及女兒、孫女。
訪問前，張天愛先帶爸爸張有興去中環睇眼科醫生。除了是一位爸爸，亦被尊稱為二戰後香港第一代民主派、首任華人市政局主席，以及立法局議員。
94歲的張有興，依然身壯力健，張天愛稱：「佢依家成熟咗，老咗，就變番一個小朋友咁，要同佢講佢鍾意啲嘢，鍾意去書局睇書，睇電視又成日轉台玩佢，成日戴headphone聽歌，又寫嘢上網，I think it's good。同埋，佢好要忙，可能以前做好多社會工作，佢好鍾意人哋搵佢幫忙，覺得有意義。」她指爸爸身體依然好，會坐飛機去旅行，「佢啲骨就越嚟越收縮，所以我叫佢做啲拗腰動作，伸展膊頭。」
張有興當年是有名的「公職王」，張天愛回憶小時侯，想見爸爸一面，都十足十去診所輪籌睇醫生：「細個嗰陣成日見唔到佢，每日都好夜先返。去寫字樓搵佢呢，佢有三個秘書做唔同嘅嘢，門口三盞燈，著邊一盞燈，就邊個入去，好似係紅色、綠色、橙色，交通燈咁。我哋去見佢，都要好似睇醫生咁，排隊輪籌。」
張天愛指當年爸爸任職市政局、立法局，公民組織，同時亦營運自己公司，代理Breitling、Omega等品牌，忙到不得了，這亦影響她往後的價值觀：「我細個就覺得，原來爹哋可以做好多嘢，我將來都要學佢咁開三盞燈。」
既要從事文化藝術工作，又有兼顧「天愛基金」，教舞拍片，再抽空孝順父親，張天愛拼命去過她那忙而充實的人生：「媽咪當年過身時，講咗一句影響我好深，佢話：『時間，係買唔到，每一分一秒，所以你要盡做你想做嘅事！』」
採訪：林妙萍
攝影：郭賢興
攝錄：林德雄、李祉澄
【閃耀人生女人心——袁詠儀】
http://bit.ly/2EkPJY1
【閃耀人生女人心－琦琦】
http://bit.ly/2HMJnmK
|
鍾意就快D Share啦！
|
|
|
