遲早有嘅！
藝人龔嘉欣出席林奕匡結婚喜宴，嘉欣大爆一對新人平時都好甜蜜癡纏，平均每隔一分鐘便咀嘴，當年見兩人拍拖已好冤氣，知道兩人一定會拉埋天窗，可以說是金童玉女！嘉欣表示送現金做人情最實際，喜歡買甚麼都可以。嘉欣自爆此行有目的：「今晚最主要嚟係搶花球，新娘子Rikko（李靄璣）話上年喺加拿大行禮就Skip咗呢個環節，所以今晚一定掟花球嘅。」聽聞是預了掟給馮允謙女友，覺得有手對啦？嘉欣笑言：「係咩，之前佢哋又唔係咁講嘅。（好多勁敵？）不過，我都接過兩次，其實都冇乜關係嘅。（話多過三次唔靈？）咁我唔接接過兩次都係單身，同埋大家誤會我有拖拍，要澄清番我仲係單身㗎。」追求者因而減少？嘉欣笑言：「冇呀，冇呀，OK喇！就嚟要返內地拍《包青天》，都要去一個半月，考驗吓啲追求者有冇誠意，會唔會一個半月後會唔會消失咗。」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
