掃呢頁CODE去手機

2018年3月6日 星期二

行禮緊張到爆!林奕匡Chok住做最靚仔新郎 __,林奕匡,

恭喜晒呀!歌手林奕匡(Phil)去年8月與拍拖10年的李靄璣(Rikko)於加拿大拉埋天窗,二人特意揀選求婚後一周年(今日)於香港補擺喜酒,延開21席 ...


恭喜晒呀!


歌手林奕匡(Phil)去年8月與拍拖10年的李靄璣(Rikko)於加拿大拉埋天窗,二人特意揀選求婚後一周年(今日)於香港補擺喜酒,延開21席,會場以雲石紋為主題,簡單優雅。姊妹團由黃美棋、張名雅、鄧佩儀、麥雅緻等組成,而兄弟團就有Dear Jane主音黃天翱(Tim)、馮允謙、女扮男裝的Robynn & Kendy等,聲勢浩大!

「照顧你一生一世」

儀式正式開始時,身穿西裝的Phil及穿上Deep V透粉紅色花花婚紗的Rikko,由兄弟姊妹帶領入場,獲現場人士歡呼拍掌,場面非常墟冚!好友鍾健威擔任主持人問到二人感受,全程拖住愛妻的Phil先逐一多謝各位蒞臨的親朋戚友,笑言雖然結咗婚,但剛剛行出來都感到緊張,因為要在眾人、愛妻前做最靚仔、最型的新郎,之後又再以深情的眼神望住Rikko講多次愛的宣言:「會照顧你一生一世,平時都好少嗌交,接受佢就會接受一切。」說畢二人甜笑互望。

應要求錫錫

Rikko就指非常開心可以於香港補擺喜酒,與屋企人、朋友分享喜悅:「特別係最敬愛嘅公公今日都有嚟,佢之前就冇去到溫哥華嗰場。」她又謂去年已行禮,所以今次舉行的派對主要可讓大家影合照留念,一齊跳舞唱歌。之後二人進行切結婚蛋糕儀式,再安排與兄弟姊妹大合照,還應記者要求錫錫影相,甜蜜滿瀉!

----------------------------

東網巨星開咗ig喇,大家快啲follow

https://goo.gl/KGuo2N

--------------------

東網已全面支援360影片及相片,讓你全方位睇盡新聞大事,恍如置身現場,立即登入東網360網頁: http://on.cc/360/

如仍未更新東網App,請按此連結收睇360影片: https://goo.gl/bBuCGb


來源 source: http://hk.on.cc
鍾意就快D Share啦!