張天愛一生充滿傳奇，其父張有興來頭不少，他被尊稱為二戰後香港第一代民主派、首任華人市政局主席，以及立法局議員，更有「公職王」之稱號。她曾經歷四段婚，前 ...
張天愛一生充滿傳奇，其父張有興來頭不少，他被尊稱為二戰後香港第一代民主派、首任華人市政局主席，以及立法局議員，更有「公職王」之稱號。她曾經歷四段婚，前夫包括有林青霞現任丈夫邢李㷧，與及資深大律師胡漢清等。思想前衛的張天愛，認為她的能量就是要在外工作，幫小朋友。天生熱愛芭蕾舞的她，更是首位華人入讀英國皇家舞蹈學院，校方為表揚她，更於院內為她設立雕像。
將芭蕾舞演變成終生事業的張天愛，自言父母的要求很高，小時侯她陪胞姊跳舞而加入跳舞班，一跳愛上，更成為終生的興趣事業，「四歲開始跳，跟住Miss Wong(王仁曼）就話我幾聰明，啲筋骨又幾鬆，就叫咗我去考皇家(英國皇家芭蕾舞考試)，就係咁變咗第一個中國人入皇家(英國皇家舞蹈學院)。」當時，張天愛只得9歲，成功在5千名考生中突圍，成為英國皇家舞蹈學院開院以來，第一個亞洲人，院內更為她設立雕像。「嗰時考試一考就考咗7日，第一日就考跳舞，第二日就量度身型、拉筋睇你（筋骨）軟唔軟，第三日就照X-ray，因為她可以預計你將來身型啦，睇吓你有冇斷過骨，手腳對唔對稱，有冇一邊長。第四日就同你傾偈，考英文，問你志向，點解要考呢間學校。」
能夠在5千多人之中，脫穎而出，考入英國皇家舞蹈學院，但張天愛卻坦言並冇特別高興。張天愛憶述當時情況，她稱因為當時仍未知道件事有幾威，直到王仁曼登報紙公告天下。她才醒覺，原來是一件很威的事。事後，張天愛瘋狂愛上芭蕾舞，一跳，魂魄就如同去了另一世界，飯可不吃，舞不可不跳，「總之我覺得我跳舞就係正常，唔跳舞就唔正常。」百種舞蹈，獨愛芭蕾，「因為佢夠嚴格同仔細，加上難度高，又要聽音樂，又要記步法，又要控制啲muscle好多種，咁我做到，有個滿足感。同埋，我諗我個人鍾意複雜，啲動作、音樂呀要諗，好複雜，個敏銳度好高，古典芭蕾舞有一千樣嘢，我鍾意呀。」
【閃耀人生女人心－張天愛(4)】
感謝林青霞代養女 稱邢李㷧積福娶得賢妻
http://bit.ly/2oW5T4L
【閃耀人生女人心－張天愛(3)】
不甘做煮飯婆：21世紀喇，要前衛啲
http://bit.ly/2HgslMC
【閃耀人生女人心－張天愛(2)】
離婚4次 被求婚50次：最終唔啱都冇法
http://bit.ly/2G2qMCr
【閃耀人生女人心－張天愛(1)】
有個猛料公職王父親 門口點解掛三盞燈？
http://bit.ly/2Fpt40E
精選娛聞，喺晒《娛果》
http://fb.com/appledailyent
採訪：林妙萍
攝影：郭賢興
攝錄：林德雄、李祉澄
| 攝影：郭賢興 |  張天愛係首位華人考入皇家舞蹈學院。 | 於5千多人之中脫穎而出，院內更為她設立雕像。 |
| 王仁曼鼓勵張天愛報英國皇家芭蕾舞考試。（受訪者提供圖片） |
