掃呢頁CODE去手機

2018年3月2日 星期五

【閃耀人生女人心-琦琦篇(6)】琦琦13歲囡囡無視名牌獨愛$180 Forever21 __,閃耀人生女人心,琦琦,

明星二代中,琦琦和任達華的13歲任晴佳(Ella),眼大樣靚,更擁有一對超長腿,成為全城最期待的星二代美少女。「好多金牌經理人話:『你個女簽俾我啦!』 ...


明星二代中,琦琦和任達華的13歲任晴佳(Ella),眼大樣靚,更擁有一對超長腿,成為全城最期待的星二代美少女。「好多金牌經理人話:『你個女簽俾我』 ...




明星二代中,琦琦和任達華的13歲任晴佳(Ella),眼大樣靚,更擁有一對超長腿,成為全城最期待的星二代美少女。

「好多金牌經理人話:『你個女簽俾我』但佢仲咁細個,佢係一個低調、好平凡嘅小朋友,佢根本唔想自己見報紙,唔想出名,佢嘅ig我都冇add佢,佢只係想讀書。

「佢超級唔鍾意影相,因為俾狗仔隊影得多,細個嗰時,佢間幼稚園太出名,門口成日有狗仔隊,又跟佢去activities,所以就唔鍾意。」

13歲的Ella,遺傳了父母的身高優勢,現時170cm高,雙腳已經比爸爸更長,琦琦說:「佢嘅比例仲好過我,小腿好長,身材好好,將來應該同我差唔多高。我成日覺得平凡是福,如果到咗16歲、18歲,佢想做model,都好好,做model見識多,又可以traveling,睇佢自己心意啦。」

不講不知,萬千寵愛在一身的Ella,原來是慳妹一名,「佢好樸素,依家返學,係用八達通。我叫司機幫佢增值$1000,佢話:『唔好呀,入$200好喇,唔見咗點算呀,$1,000太多喇,好危險!』」

母親是名模兼時裝達人,加上愛shopping,旅行去米蘭等地,必定買不少靚衫,如Dolce & Gabbana的童裝,但Ella就不欣賞,「佢唔鍾意shopping,買俾佢啲靚衫,佢又唔會著,可能生日就著一次咁啦。依家佢就主要著H&M、Forever 21,佢話:『媽咪你唔使買嘢俾我,我星期一至五都係著校服,周六日都係著Tee。』」

大小名牌不斷送禮物給Ella,但年輕人有自己的想法:「佢係慳妹,好多朋友呀、auntie送嘢俾佢,佢都係用番自已Forever 21嗰隻袋,嗰隻$180嘅袋,佢自己鍾意喎。」

Ella曾經想做老師,現在愛上畫畫,想做Fashion designer,品學兼優,亦已考到英國兩間心儀學校。問琦琦會否捨不得女兒離港升學?她說:「佢哋老師講得好啱:『愛係唔可以咁自私,佢係可以讀書嘅,可以有能力讀一間好嘅學校,你哋應該support佢!』,所以條路都係等佢自己揀,只要喺行嘅過程努力做好佢,就得!」

採訪、撰文:林妙萍

攝影:周樂恒

攝錄:林德雄、葉君海

化妝:淑貞

場地:QQM、六公館(海港城)

【閃耀人生女人心-琦琦篇(1)】任達華淺水灣食麥記追琦琦

http://bit.ly/2HMJnmK

【閃耀人生女人心-琦琦篇(2)】華哥初會女神失晒魂 琦琦:佢好緊張

http://bit.ly/2GMIRUl

【閃耀人生女人心-琦琦篇(3)】結婚廿載收過樓做禮物 琦琦最難忘呢份…

http://bit.ly/2HOPYNv

【閃耀人生女人心-琦琦篇(4)】13歲176cm!琦琦奧地利街頭被發掘行天橋

http://bit.ly/2CqH8pp

【閃耀人生女人心-琦琦篇(5)】為愛女創珠寶品牌 琦琦養生戒澱粉質

http://bit.ly/2oDLgt3



琦琦和任達華的13歲任晴佳(Ella)眼大樣靚。(微博圖片)
三歲時的小晴佳。(受訪者提供圖片)
琦琦話:「好多金牌經理人話:『你個女簽俾我』」(受訪者提供圖片)
琦琦話:「佢係一個低調、好平凡嘅小朋友,唔想出名。」(受訪者提供圖片)
母親是名模兼時裝達人,必定買不少靚衫,但Ella就不欣賞。
大小名牌不斷送禮物給Ella,但年輕人有自己的想法:「佢係慳妹,好樸素。」

鍾意就快D Share啦!