掃呢頁CODE去手機

2018年3月2日 星期五

女神男神:寶娃秘撻拍賣行老細 「佢靚仔到似同性戀」 __,女神,

寶娃同Alexander好襯。(互聯網圖片)今年30歲嘅舒拉寶娃,眾所公認係網球女神,但佢近年因服食禁藥,令事業要從新開始,感情路上亦屢煲冇米粥,唔少 ...


寶娃同Alexander好襯。(互聯網圖片)


今年30歲嘅舒拉寶娃,眾所公認係網球女神,但佢近年因服食禁藥,令事業要從新開始,感情路上亦屢煲冇米粥,唔少球迷都開始擔心佢嘅未來。不過舒娃實在魅力沒法擋,近月原來已經有新男友,日前佢就同靚仔Boy Friend拖手同遊比華利山,被狗仔隊影到時不知笑得幾甜。佢現任男友叫Alexander Gilkes,係著名網上藝術品拍賣行老細,本身屬富二代,細細個就同英國威廉王子一齊讀書。Alexander靚仔又有品味,佢前妻講過,初相識時因Alexander實在太英俊優雅,曾一度以為佢係同性戀。

舒拉寶娃早於2011年,就曾同籃球員胡查錫訂婚,但第二年就分手。13年佢同網球手迪米杜夫拍拖,但到2015年亦都散埋。之後寶娃再冇公開承認戀情,原來去到舊年尾,就同Alexander撻着,二月頭佢兩個曾齊齊出現洛杉磯機場,但始終都冇認係拍拖。

到日前佢兩個又被狗仔隊捉到,當時地點喺美國比華利山,佢兩個被發現時拖住手,大家都笑笑口,終令戀情曝光。現年38歲嘅Alexander雖然有錢,但絕對唔會游手好閒,佢細細個就接受優良教育,並從事設計藝術工作,湯告魯斯同前妻妮歌潔曼主演嘅《大開眼戒》,佢亦有份參與。之後佢同數個合夥人,於11年創辦Paddle8拍賣行,生意愈做愈大,於香港亦有開設分公司。

2012年佢同紐約靚女設計師Misha Nonoo結婚,兩個就好似金童玉女一樣。Misha曾經講過,Alexander非常完美,因為既靚仔又充滿風度同氣質,所以就同王子一樣。佢哋於2016年離婚,Alexander回復單身後,現時同網球女神拍拖,希望第時可以開花結果啦。

東網體育FB同你追實體壇每個精彩時刻!

http://bit.ly/2ecTF2A 

Follow東網體育IG一齊撐本地運動員!

http://bit.ly/2EYxoRh 


來源 source: http://hk.on.cc
鍾意就快D Share啦!