網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年3月9日 星期五

孖老公為B女做足準備 E Cup Baby挺巨肚掃減價貨 __,Baby,Angelababy,

【肚大上圍勁】■5月生女的劉欣宜日前挺巨肚孖老公恩愛出巡,Ecup上圍谷奶勁升一cup。【旺角】現年29歲的「ECupBaby」劉欣宜由𡃁模轉行變空姐 ...




【旺角】

現年29歲的「E Cup Baby」劉欣宜由𡃁模轉行變空姐,前年嫁音樂人陳子敏後火速成功造人,兩人的愛情結晶B女將於5月出世。日前大肚劉欣宜孖老公恩愛出巡,陀B後上圍谷奶更勁升一cup,快為人母的她專掃BB減價用品,十分慳家。

擁34E驕人身材的劉欣宜有朵叫「E Cup Baby」,當年憑影性感寫真上位,惟𡃁模生涯一場夢,短短四年已逃離娛樂圈轉做空姐,前年嫁專唱二創歌曲組合窮飛龍成員、現正職是理財規劃的陳子敏,去年底兩人造人成功,小公主的預產期是5月,日前肚大如籮的劉欣宜在老公陪同下,拍拖到旺角掃平民BB用品,十分貼地。



【研究High Chair】

■劉欣宜和老公對一張BB high chair十分有興趣,可惜沒現貨。
【細睇BB床】

■兩夫婦專掃減價貨,快為人母的劉欣宜十分慳家。

環保「啱用先買」

日前黃昏約6時,劉欣宜和老公着情侶牛仔布恤衫出巡,大肚後上圍勁升一cup的她,幾乎撐爆tee。劉欣宜跟老公十指緊扣走入旺角某商場的嬰兒用品店,兩人睇勻場內的BB手推車、嬰兒衫仔等,尤其對一張多用途high chair十分有興趣,這張椅除方便父母給BB餵食,又可以讓BB躺下,見到陳子敏十分細心地跟老婆講解。

兩人對睇中的BB用品仔細研究,細閱物品的質料,剛巧店中進行減價,快為人母的劉欣宜十分慳家,錫住老公荷包優先選擇減價貨,相信是因為家中即將添新成員,開支大增要知慳識儉。掃貨期間,劉欣宜突然用手摸肚,似乎是小公主在郁手踢腳,陳子敏即暖男上身安慰老婆。兩人揀了45分鐘左右,最後由陳子敏埋單,劉欣宜則逗玩排隊旁的約兩歲小朋友,母愛氾濫。



【枕頭試手感】

■劉欣宜決定採自然分娩,並會餵人奶。
【即現心心眼】

■劉欣宜在商場內逗玩小孩,母愛氾濫。

日前記者聯絡劉欣宜,她說:「咁啱老公得閒,就出去買定BB嘢,差唔多要準備,好多嘢要買都好頭痛。」提到專揀減價貨好慳家,劉欣宜坦言:「我會睇品質,畢竟BB大得快,啱用先買,唔想嘥,要環保。」現陀B八個月的劉欣宜透露重了十多磅,懷孕初期更孕吐嚴重:「又頭痛又胃漲,一直嘔到五個月,呢兩個月先食到嘢,一餓就唔舒服,老公都擔心我身體唔好,唔畀我一個人出街,盡量佢會陪我。」



■劉欣宜當年憑34E驕人身材成功上位,推出性感寫真俘虜宅男。資料圖片

老公寫歌畀B女

劉欣宜坦言懷孕後不但飲食口味改變,情緒變化也好大,幸好有老公錫到燶,將兩母女照顧得好妥貼。由於兩夫婦都愛音樂,已計劃送一首歌給囡囡,她說:「我叫老公儲住心情,有靈感就即寫歌。」提到她谷奶上圍更澎湃,劉欣宜尷尬笑說:「咁密實都睇到。」臨盆在即的她心情好緊張,並透露計劃自然分娩,自己會餵人奶,將最好的給囡囡。

採訪、攝影:徐錦池、孔志豪




鍾意就快D Share啦!