33歲嘅鍾嘉欣有望追貼陳茵媺！嘉欣囡囡Kelly剛滿18個月大，上周又公佈懷有第二胎，大家都好戥佢開心。(新聞連結：http://bit.ly/2oV ...
33歲嘅鍾嘉欣有望追貼陳茵媺！嘉欣囡囡Kelly剛滿18個月大，上周又公佈懷有第二胎，大家都好戥佢開心。(新聞連結：http://bit.ly/2oVyM0G)
身在加拿大嘅嘉欣今日喺facebook玩直播，自爆喺今年1月1日元旦日發現再度有喜，仲自爆一直有保養身體，每次都係一擊即中，佢話﹕「其實再有bb都係planning之內，餵咗Kelly飲人奶一年，等佢大少少識行識走就懷第二胎，但就冇諗過咁快，一做就中，真係一擊即有！同Kelly一樣，都係一plan就有，真係感謝上天。」
嘉欣憶述發現有BB經過，佢話﹕「記得除夕當晚，我喺大埔超級城count down，化妝師嚟到我屋企都醒唔到，因為真係好攰，又覺得自己個肚脹脹地。所以1月1日，我就搵朋友買棒棒(驗孕棒)，發現真係有咗，就即刻打畀老公，好感動呀。返到溫哥華，我仲同Kelly講，雖然佢得18個月唔係太明，但我攞住佢手仔摸媽媽個肚，話有『BB』，佢就好叻咁跟住講『BB』，全家都好快樂！」嘉欣忍唔住晒囡囡嘅百厭相，話﹕「我個女cute到不得了，識好多字，好鍾意爬嚟爬去，又鍾意坐大人櫈，有時趁我唔為意，摷晒啲嘢出嚟，哈哈。」
直播中，嘉欣全程擺烏龍，將個鏡頭打側咗。佢冇特別騷個肚俾大家睇，經嘉欣冇特別騷個肚俾大家睇，經常都用衫遮住，佢直言今胎害喜情況較嚴重，試過喺街度嘔。唔少人都問嘉欣係咪退出娛樂圈，佢就叫大家唔使擔心﹕「其實我仲有兩部劇未播，其實我希望永遠唔會退休，因為鍾意做嘢，之前十幾年不斷做，希望大家都俾我take少少break，等我生完，抖陣就有機會返幕前。」佢透露4月或5月可能會回港一次。
精選娛聞，喺晒《娛果》
http://fb.com/appledailyent
