熱爆娛樂: 【第一次做奶奶】陳美齡帶新抱仔見傳媒笑晒恨抱孫 _

2018年3月31日星期六

【第一次做奶奶】陳美齡帶新抱仔見傳媒笑晒恨抱孫 __,陳美齡,

62歲嘅陳美齡今日榮升做奶奶，佢嘅大仔金子和平同美籍台灣女友莊文若喺中環香港會筵開16席，廣邀親戚朋友。

下午大約5點40分左右，身穿紫色長裙嘅陳美齡見傳媒，笑容滿面嘅新奶奶話：「多謝大家，好感恩，好開心，其實之前喺台灣同日本已經擺咗酒，今日就喺香港擺，但7月7日要去美國再擺，到時會邀請阿仔嘅同學、朋友、同事，噚晚成家人喺樓上佈置，一齊插花，好開心。」送咩畀新抱呢？陳美齡話送咗條家傳之寶嘅頸鏈：「係我奶奶送畀我，咁佢係我大新抱，O依家就轉送畀佢。」又大讚新抱好好，心地善良，為人純品。

至於抱孫呢個問題，陳美齡甜笑謂：「我想0架，我睇佢哋已經諗緊，係好事。始終女人係生仔，所以女人諗就最好。」願唔願意湊孫﹖佢即刻表示：「願意0架，如果佢哋想，我會好願意，梗係越多孫越好啦，因為我未試過湊孫，我淨係識湊仔，可以諗下用咩方法湊孫。」

及後，金子和平與身穿藍白色碎花長裙嘅太太見傳媒，身為奶奶嘅陳美齡好細心咁，幫新抱撥頭髮、整理條裙，一對新人更應傳媒要求，幾度咀嘴添。

精選娛聞，喺晒《娛果》

http://fb.com/appledailyent

攝影：林賓尼	62歲嘅陳美齡今日榮升做奶奶。	佢嘅大仔金子和平同美籍台灣女友莊文若喺中環香港會筵開16席。
身為奶奶嘅陳美齡好細心咁，幫新抱撥頭髮、整理條裙。	陳美齡大讚新抱好好，心地善良，為人純品。	左起：三仔、陳美齡、大仔、新抱、新晉老爺金子力、二仔
一對新人更應傳媒要求，幾度咀嘴添。	陳美齡代母派利是給一對新人及餵母親飲孫新抱茶。	陳美齡感動喜極而泣對媽媽說今日係孫兒和平結婚！