2018年3月31日 星期六

嫌情侶裝核突 陳柏宇:唔好行埋老婆度 __,陳柏宇,

陳柏宇原來咁抗拒情侶裝!歌手陳柏宇(Jason)同老婆符曉薇(Leanne)兩公婆出名感情好,不過日前Jason出席活動受訪時被問到會否同老婆情侶裝出 ...


陳柏宇原來咁抗拒情侶裝!


歌手陳柏宇(Jason)同老婆符曉薇(Leanne)兩公婆出名感情好,不過日前Jason出席活動受訪時被問到會否同老婆情侶裝出街,他就大呼怕怕:「佢成日都想同我着情侶裝出街嘎,我就成日都『吼』住睇下佢嗰日着咩衫我先至走去換衫嘅,不過有陣時都係會畀佢得逞,一次半次咁喇,通常如果我哋係着情侶裝大家都一定會喺社交網絡見到,因為都幾難得嘅。」

他又搞笑說:「所以盡可能都唔好同老婆買一樣款嘅衫。(點解咁抗拒情侶裝呢?)唔知喎,我覺得好核突,着情侶裝出街係會好鬼尷尬,成日呢如果係情侶裝出街嘅話我都一係行快啲、一係行慢啲,總之唔好行埋一齊!(出街唔會拖老婆?)我又好少話會拖住佢行,我成日都會行先囉,幫佢開路呀嘛。(唔驚轉個頭唔見咗老婆?)如果咁大個人都唔見得咁就死喇,唔會喇,我娶佢就係因為佢能幹呀嘛,識得照顧自己。(有時人多容易走散?)咁呀,就真係難搵啲嘅,我哋兩個都咁矮,惟有我盡量試吓跳高啲搵佢。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...