2018年3月31日 星期六

致詞深情對望!羅力威冧雨僑:我會錫住你 __,羅力威,羽翹,雨僑,

歌手羅力威今日同拍拖七年的女友雨僑今日在淺水灣舉行婚禮,一對新人挽着手入場,現場賓客不斷歡呼。不擅辭令的羅力威致詞時說:「今日非常之好天。」令大家發笑 ...




歌手羅力威今日同拍拖七年的女友雨僑今日在淺水灣舉行婚禮,一對新人挽着手入場,現場賓客不斷歡呼。不擅辭令的羅力威致詞時說:「今日非常之好天。」令大家發笑,他續說:「真係非常之感動,終於婚禮嘅日子,我可以同身邊一位結婚,本身我有好多說話想同大家講,考慮到時間,同埋出面太熱,我就將啲說話簡短地搬咗入嚟呢度講。我想多謝好多人,喺在場每一位,識我嘅對我嚟講每一位都有特別意義,我不能二百幾人逐一多謝,希望你哋心裏面知道,你哋對我嚟講都係我人生階段裏面好奇妙嘅相遇。」

羅力威又說:「想藉少少時間同我身邊呢位講兩句,睇吓有冇三句啦。」之後,羅力威先同雨僑深情對望,然後他再問雨僑:「你開唔開心?」雨僑答「開心」之後,他再說:「放心啦,我會錫住你㗎喇。」

之後,雨僑多謝在場賓客的到來,她說:「今日天氣好好,感謝主,今日嚟得嘅全部都係我好好嘅朋友,或者一路好照顧我嘅人,因為我十年來都係同一間公司,好多謝我嘅所有同事,仲有多謝我嘅親人,多謝爸爸媽媽!我細個住喺長洲,佢哋又要專登就番我出香港讀書,然後佢哋再返去長洲做嘢,一路都好辛苦,為咗栽培我付出咗好多、好多,所以羅力威今日先至可以娶到個咁高質素嘅老婆。仲有所有照顧過我嘅圈中、圈外嘅人、幫我整今日呢條裙嘅設計師,呢條裙真係佢日以繼夜嘅心血結晶,仲有多謝晒我今日嘅姊妹,處理晒今日遇到嘅困難。」

然後雨僑再逐一多謝在場每個單位嘅來賓。期間羅力威輕輕同雨僑咬耳仔,貌似提醒,雨僑再多謝現場的樂手。之後一對新人就在主持人的指示下與一眾來賓進行祝酒儀式,寓意新人從此甜甜蜜蜜。

----------------------------

東網巨星開咗ig喇,大家快啲follow

https://goo.gl/KGuo2N


來源 source: http://hk.on.cc
鍾意就快D Share啦!
Related Posts Plugin for WordPress, Blogger...