掀起發呆熱。
藝人方力申日前在社交網站上發起「全城發呆一分鐘」（one-minute space out challenge）挑戰，上載個人於不同場合不受騷擾地成功發呆一分鐘的影片後，再tag三位朋友加入挑戰。活動獲大批圈中藝人響應支持，小方的影片至今亦已累積超過二百萬次瀏覽，認真威水！
日前小方接受訪問時，問到邊位朋友的發呆片最令他印象深刻，他即開口大讚側田：「好多人嘅片都好有創意，當然除咗我自己拍得唔錯之外呢，側田都係不得不讚，佢真係好犀利！佢係喺現場表演中間發咗呆，講緊係台下有觀眾台上有樂隊喎，不過最搞笑係佢唱唱下歌喺停頓位發呆，發完呆都冇人知！（係咪承認佢做得最好？）本來係，可惜佢被取消資格，因為佢發呆唔夠一分鐘，好似係得半分鐘左右。不過佢最抵讚係佢係唯一有做完發呆呢個行動之後有解釋個活動背後嘅意義，就係關注精神健康。」
來源 source: http://hk.on.cc
|
鍾意就快D Share啦！
|
|
|