謝安琪（Kay）以愛培自閉症基金會大使身分出席「世界關注自閉症日」活動，為自閉症兒童同佢哋嘅家長加油打氣，並向大眾宣揚關注自閉症嘅訊息。
Kay表示自己已經係兩個小朋友嘅家長，當聽到自閉症兒童嘅家長分享，自己都會好感觸：「照顧小朋友壓力已經好大，希望大眾可以更友善咁體諒他人。」佢又話好彩佢嘅家人都好鍾意BB，簡直係BB狂，好鍾意搶住去照顧BB，所以佢先可以專注復出工作：「我依家忙緊跑步練氣，為咗五月閉關入錄音室做準備，希望年底新專輯可以同大家見面。」。
被問到老公張繼聰今年會擔任金像獎主持，佢話自己都好期待可以睇到老公嘅表現，又話老公有邀請佢當日去到現場欣賞，不過佢就話會好尷尬：「因為我無任何電影嘅工作嘛，咁樣坐喺台下面感覺怪怪，或者嗰日會喺後台做佢嘅小幫手，我都唔知仲諗緊。」
來源 source: http://nextplus.nextmedia.com
|
鍾意就快D Share啦！
|
|
|