2018年4月5日 星期四

【唔想累人決分手】林子善向唐詩詠求助 「阿妹」神回:你將會永遠失去她 __,詩詠,林子善,唐詩詠,

有人話緣份天注定,緣是天意,份是人為,月老早早就有安排。今日唐詩詠就喺ig度講咗一個故事:有一天這個男孩跟我說:「妹,我不想拖累她,我跟她分手了,希望 ...


有人話緣份天注定,緣是天意,份是人為,月老早早就有安排。

今日唐詩詠就喺ig度講咗一個故事:

有一天這個男孩跟我說:「妹,我不想拖累她,我跟她分手了,希望她能找到個更好的。」

我說:「那好吧!不過,要是她真的愛上別人,你將會永遠失去她。」

男孩聽到後沒有回答,突然有一天他跟我說:「妹,謝謝你,我們復合了,我要結婚了!」

然後我發現他一天比一天更愛他的女主角

放棄一段感情很容易,堅持卻很難

很高興今天你找到了你的最愛,更做到了你的承諾,我真的很替你開心,Love you!祝男孩跟女孩永遠幸福快樂!

故事嘅「他」,就係噚日補辦婚禮迎娶圈外女友董佩欣(Kary)嘅「洪爺」林子善,子善同詩詠、鄭嘉穎、馬國明等人,因合作劇集《鐵馬尋橋》而成好友,噚晚佢哋都有份做子善兄弟團,詩詠見到好兄弟做老襯,佢哋好戥佢開心,仲同大家分享咗兄弟嘅愛情故事,感唔感人就見仁見智,但好多網民見到詩詠嘅留言,就好關心到詩詠嘅感情,留言話「你也要狠狠地幸福」,仲叫詩詠唔好放棄喎!

其實子善之前曾接受專訪,亦曾分享呢個故事。當時子善話自己因為被負面思想影響下,事業停滯不前,覺得自己擁有嘅都係浮雲,毫無安全感。

有感自己冇經濟能力照顧老婆,再加上Kary嘅家人催婚,壓力爆煲,所以林子善曾毅然向Kary提出分手,幸好當時得到詩詠嘅提醒,勸佢要珍惜眼前人,就係咁子善就同Kary復合,最後更開花結果,終成眷屬。

另有份出席婚宴嘅莊思明亦喺ig度分享婚宴上同嘉賓嘅合照。



精選娛聞,喺晒《娛果》

http://fb.com/appledailyent

唐詩詠喺ig度分享咗洪爺嘅愛情故事。
詩詠祝洪爺永遠幸福快樂!
詩詠噚日做兄弟(資料圖片)
莊思明就係ig上載同賓客影嘅合照。(ig圖片)
(ig圖片)

鍾意就快D Share啦!