掃呢頁CODE去手機

2018年4月5日 星期四

【拍戲演女警】復出開騷唱歌? 鄭希怡:我聽完打冷震 __,鄭希怡,

呢個咪係Yumiko,乜佢轉咗行做差婆咩?「今日拍緊一套電影,叫做《爆炸女警花》,戲裡面原本飾演一位CID,之後俾人召集咗去做臥底,混入一個選美比賽, ...




呢個咪係Yumiko,乜佢轉咗行做差婆咩?「今日拍緊一套電影,叫做《爆炸女警花》,戲裡面原本飾演一位CID,之後俾人召集咗去做臥底,混入一個選美比賽,之前喺馬來西亞拍,今日已經係喺香港嘅最後一日拍攝。」Yumiko跑手上身一樣,跑來跑去!「我好鍾意個角色,好有正義感,戲裡面都有好多動作場面,同埋呢個角色我覺得好吸引,都有一段時間無演過女警,無吊威吔同埋拍動作戲,所以對我嚟講係幾吸引嘅一件事。」一段時間冇拍打戲,所以咪出事,受咗傷!「我諗對上一次類似角色係古裝版嘅《秀才愛上兵》,其實佢同陳細妹都有啲似,都係有正義感,但成日會撞板,所以有啲情意結,覺得係《秀才》時裝版,所以就好鍾意。」

幾時再出嚟唱歌?「其實係有嘅,但我聽完打冷震,我睇其他歌手嘅騷會覺得開心,自己就感覺好似未ready,當然喺舞台上係享受嘅,但係一個騷差唔多個半鐘,我覺得需要啲時間去準備,如果真係咁耐大家無見過我唱歌、跳舞,如果真係,我諗要好好做準備,但係而家呢個階段我係未ready,睇騷就OK。」梁浸浸似足你,咁倔強、大膽!「係呀,佢真係好大膽!我都覺得有啲驚喜,原來佢喺呢方面都學得幾快,而家慢慢去發掘佢邊啲真係鍾意,或者邊啲最擅長,俾佢喺嗰個方向去發展,遲啲玩埋X-Game。」Yumiko最想梁浸浸似自己啲咩?「樂觀啦,因為做人樂觀係開心好多,最想佢唔好驚咁多。」



鍾意就快D Share啦!