近期嘅內地人氣小鮮肉除咗有去年憑《致我們單純的小美好》爆紅嘅胡一天外，來自台灣男子團體SpeXial嘅內地成員熊梓淇都係當紅炸子雞。除咗同內地女星李溪芮一齊過拍劇之外，唔少綜藝節目都可以見到佢身影。
近日熊梓淇就同胡一天一齊上內地綜藝節目《快樂大本營》擔任嘉賓，喺節目入面，熊梓淇仲即席示範食韓國大熱嘅「髒髒包」，佢嘅誇張食相唔單止令在場嘅嘉賓眼都凸埋，就連粉絲睇完都忍唔住話：「這個熊梓淇一定是假的！！！」
其中一個遊戲要嘉賓扮演「髒髒包」嘅代言人，面對一個點食都會污糟嘅麵包，一班嘉賓都絞盡腦汁去做宣傳，行catwalk chok住食嘅又有，細細舊咁搣嚟食都有。身為偶像嘅熊梓淇一開始都好斯文咁去介紹，佢仲話優雅咁食，係食唔到「髒髒包」嘅靈魂。
之後熊梓淇就示範佢嘅特別食法，就係佢將個包「車」落自己塊面度，然後好似前世未食過嘢咁起勢將個包塞落口，仲話：「髒髒包要這樣吃才好吃！」不過呢一句說話，如果冇字幕嘅話相信大家都未必聽得明，事關個包已經塞住佢個口，要佢清晰咁講呢句對白，睇嚟真係唔容易。
雖然一班嘉賓畀熊梓淇嘅特別食法嚇到眼都凸埋，不過佢哋都好佩服熊梓淇嘅勇氣，就連胡一天都話：「好拚呀！」唔少粉絲都笑言熊梓淇為咗贏個遊戲，真係可以連偶像包袱都唔要。仲有人話熊梓淇嘅宣傳方法特顯咗「髒髒包」嘅特點，咁嘅食法先可以話到畀人知個包有幾好食！
網民有話兒：
XXX_LEoxxx：髒髒包，顧名思義吃的時候得對的起它這個名字，熊吃的比較符合
Prxxcess_pxx：看了之後，我餓了，想吃了...廣告的作用達到了TT
XXX_Dxlxx06：確定這個是我熊嗎？這個是假的吧！！
coxxmexx_0088xx：熊梓淇式吃法，這太拚了！
---------------------------
東網巨星開咗ig喇，大家快啲follow
https://goo.gl/KGuo2N
|
鍾意就快D Share啦！
|
|
|
