熱爆娛樂: 【寶刀未老】李修賢重返警隊一聲令下個個趴低 _

2018年4月6日星期五

【寶刀未老】李修賢重返警隊一聲令下個個趴低 __,李修賢,

喺警匪片做警察做到入型入格嘅李修賢，呢個形象可以話幾可當真，以前佢喺訪問曾經講過，有一次佢行商場，咁啱有人唔見咗銀包，於是走去搵李修賢求助，可以諗到佢嘅形象幾咁深入民心！

近年李修賢少咗喺香港露面，聽講係返咗去大陸拍劇，不過今日喺網上終於見到佢嘅踪影，警務處同保護遺棄動物協會合辦咗一個單手掌上壓嘅挑戰，希望透過感受小動物喺失去肢體嘅情況下，面對逆境嘅精神，喚醒大家嘅愛心，於是警務處搵咗李修賢同楊明拍咗一條短片。

今年已經65歲嘅李修賢，果然寶刀未老，著住西裝警察部行出嚟，感覺依然好強烈，一聲令下，楊明同其他差人齊齊做單手掌上壓！有網民留言讚李修賢仲好有型，依然入形入格！

精選娛聞，喺晒《娛果》

http://fb.com/appledailyent

好耐冇見嘅李修賢，又再做番警察拍短片！(fb圖片)	(fb圖片)	楊明都有份客串。(fb圖片)
(fb圖片)	好有官威喎！(fb圖片)	李修賢做警察嘅形象好深入民心。(資料圖片)
(資料圖片)	李修賢間中都會圈中人聚會。(資料圖片)