咁衰唔等埋女朋友？！
藝人郭秀雲兒子龐景峰（Andrew）不但功夫了得，日前參加慈善跑步比賽更一舉奪得藝人組八公里賽事冠軍，他自言十分喜歡跑步，平時亦會孖住女朋友Peggy一齊練跑：「Peggy都好鐘意跑步，佢都係運動細胞好強嘅女仔，以前係韻律泳嘅港隊成員同跳水後備，好開心佢係會做運動，同我有共同興趣，我哋夜晚會一齊去跑步，跑完之後就一齊去糖水鋪食個豆腐花，因為冇咁肥，食完再搭的士返屋企。」
不過他自爆慈善跑當日被女朋友咋形：「Peggy嗰日都有同我一齊跑八公里賽事，但係佢就同自己啲同事一隊，所以我哋要分開跑，返緊轉頭嘅時候我有見到佢，結果佢就睥住我，問我做乜唔等佢，仲嬲咗我，話我呢個男朋友一到比賽嘅時候就一支箭咁飛咗去。」
Andrew又話自己平時都會恆常練跑，過去亦曾參加不同的馬拉松賽事，接下來的目標是要挑戰渣打馬拉松：「我本身有功夫底，氣量係足夠，跑長跑唔會攰，平時一個禮拜會喺屋企附近跑四、五晚，下年想挑戰埋渣馬，我未試過跑足一個馬拉松賽事冇停過，希望參加渣馬嘅全馬賽事可以逼自己跑足全程。」
來源 source: http://hk.on.cc
|
鍾意就快D Share啦！
|
|
|
