廉署執行處前署理執行首長李寶蘭二〇一六年七月疑被逼退後，職位空缺至今近三年仍然懸空。民主黨立法會議員林卓廷趁今早特首答問環節質問林鄭月娥，惟林鄭左閃右避，一時不正面回應，一時「hea」應稱再觀察。林卓廷會後坦言，對林鄭的態度「感到震驚」。
在答問環節中，林卓廷質問，林鄭作為廉政專員白韞六的上司，為何能容許香港最重要的反貪部門沒有首長：「你係咪想搵人喺外面空降入廉署，接掌執行處，接掌反貪工作？」
然而，林鄭卻答非所問：「我喺度嚴肅咁講，我係唔介入廉政公署嘅調查工作，亦都好尊重專員份內去管理呢個部門嘅運作。」
直至林卓廷再追問時她才補充：「呢個職位唔係懸空，喺我哋公務員架構或廉政公署架構入面，都存在署任嘅安排。」她又說，「作為廉政公署嘅負責人，即係專員本身，要進一步觀察、考核。」
林卓廷質詢環節後見記者，直言林鄭對此事不提供理據，連藉口也不找，感到震驚：「林鄭月娥作為特首，作為白韞六唯一嘅上司，佢居然可以縱容白韞六咁樣去損害廉政公署。我覺得難以接受，應該強烈譴責。」
撰文：李俊杰
攝影：李育明、林金展
立即按此連結Download:https://goo.gl/NVySCK
來源 source: http://nextplus.nextmedia.com
|
鍾意就快D Share啦！
|
|
|
