港女於網上投訴的士司機兜路，借機多賺20元。（設計圖片）
的士遭質疑兜路，反獲網民力撐？近日有乘客發貼投訴，斥遭的士司機兜路收貴20港元。不料，網民竟大撐的哥無做錯，反鬧乘客「畀唔起唔好坐的士」！到底點解？
該乘客於上周五（25日）於Facebook群組「的士司機資訊網Taxi」發貼，指自己兩年來經常由西環乘坐的士到灣仔，車資多數約50元。惟當日同樣搭乘的士，她質疑司機「自創咗一條新路」，未有沿大路走，反而駛進內街。事主直斥司機有心兜路，「能人所不能，賺多我20蚊」。
她其後轉載貼文到各大社交群組，更上載多張的士收據，與當日的收據作比較，欲力證司機兜路。惟據收據顯示，各程的士的行車總公里相約，但當日的行車時間明顯較長，停車等候的收費比平日多了約18元。
有網民因此推斷，當日因塞車而令行車時間增長，司機並無刻意兜路，斥其「公主病」、「塞車收貴20蚊都公審人？」有人則支持發貼者，「大把司機知道投訴唔會成立，專登玩多你20蚊」。
你又撐邊個？
---------------
《港呢啲》：大事小事騎呢事，東網嚴謹選題，輕鬆製作！
來源 source: http://hk.on.cc
|
鍾意就快D Share啦！
|
|
|
