十年人事幾番新，喺無綫拍過劇嘅演員，即使觀眾唔記得一啲藝人個名，不過有啲望落又會記起喺邊套劇見過佢哋，又會諗起大家真係「好耐冇見」。
資深女演員陳嘉儀參加TVB第一期訓練班出身，同期同學有郭峰、蘇杏璇及甘國亮等，曾演《小婦人》、《家變》、《千王之王》及《孖生姊妹》等，1978年曾同周潤發及朱江拍《強人》，佢於90年代曾一度息影，2000年代先回巢無綫拍劇，2006同2007年係佢拍得最多劇嘅時期，包括《鐵血保鏢》、《潮爆大狀》、《法證先鋒》、《鳳凰四重奏》、《高朋滿座》、《舞動全城》、《通天幹探》、《鐵咀銀牙》及《奸人堅》等，非常多產，現時TVB偶爾夜晚重播嘅經典劇，觀眾都可以見到嘉儀姐嘅演出。
由於嘉儀姐外貌甚有氣質，所以喺劇集主要演主角媽媽，或者豪門闊太等角色，之後嘉儀姐為咗一心一意照顧患病嘅老公，而放棄幕前演出。
眨吓眼，嘉儀姐離開TVB已五年，享受退休生活，閒時同老公牽手行街，恩愛如昔，生活不知幾寫意，雖然年屆七十，皮膚仍然keep得好好。
來源 source: http://hk.entertainment.appledaily.com
|
鍾意就快D Share啦！
|
|
|
