蘇志威的舞校舉行周年匯演，他親自落場跳番Part。
蘇志威（蘇老闆）的舞蹈學校在灣仔會展舉行周年匯演，蘇老闆風騷滿場飛，匯演尾聲他更與另一學校董事韓馬利（Mary姐）以及全校老師上台壓軸表演，為晚會畫上完美句號。
匯演結束後，蘇老闆接受訪問，說：「今年學校10周年特別搞呢個咁大型嘅Show Case，啲學生咁努力，特別畀個平台佢哋表演，佢哋練咗幾個月。今晚佢哋係主角，我只係配角，不過我呢個配角都有份上台跳一小段！」他坦言見師生都玩得好開心，計劃每年都舉辦大型匯演。
匯演超過250名師生分13組舞蹈表演，除了拉丁舞、HipHop、現代舞、Jazz之外，還有中國舞表演。蘇老闆說：「雖然佢哋唔係專業舞蹈員，但個個都好畀心機，不斷進步，尤其是中國舞表演最令我驚喜，好靚。因為一向拉丁和HipHop都係學校嘅皇牌，估唔到中國舞都咁好，編排和技巧都好好，搞到我都想學，向深厚的中國舞底子嘅Mary姐請教。」
來源 source: http://hk.on.cc
|
鍾意就快D Share啦！
|
|
|