掃呢頁CODE去手機

2018年5月19日 星期六

女神男神:男神羽生結弦 秘撻「花滑美少女戰士」! __,女神,美少女戰士,

羽生結弦同麥維迪娃超襯。(互聯網圖片)日本花滑男神羽生結弦,全球人氣爆燈,女Fans數以千萬,近日日本傳媒大爆,佢已經有拖拍喇,原來係俄羅斯花滑美女麥 ...


羽生結弦同麥維迪娃超襯。(互聯網圖片)


日本花滑男神羽生結弦,全球人氣爆燈,女Fans數以千萬,近日日本傳媒大爆,佢已經有拖拍喇,原來係俄羅斯花滑美女麥維迪娃!麥維迪娃今年18歲,兩年前因為Cosplay美少女戰士表演滑冰而爆紅,日媒話最近麥維迪娃追男神行動升級,竟轉用羽生結弦嘅加拿大籍教練,於花滑圈中,更傳出二人已經發展緊地下情。

冬奧兩次奪得銀牌嘅麥維迪娃,絕對係美女一枚,佢一向好鍾意日本動漫文化,更加係美少女戰士粉絲,所以曾經試過扮月野兔表演。麥維迪娃身材苗條、對腳又勁長,所以扮喺上嚟超可愛,難怪Fans數量激增。

羽生結弦早前於冬奧成功衞冕金牌,日媒《女性seven》報道,麥維迪娃四年前已好仰慕呢位又靚仔又有實力嘅大哥哥,之後二人不時於比賽中碰頭,大家靚仔靚女玩得特別埋。舊年羽生結弦生日,麥維迪娃就送上精緻禮物,仲合照擺上IG放閃。到早前麥維迪娃放棄多年教練,轉聘加拿大籍教練奧沙,而同羽生做師兄妹,根本就係想同羽生日對夜對。《女性seven》更爆料,話佢兩個「感情早已超越咗粉絲對偶像嘅崇拜之情,依家發展緊地下情」。

呢對花滑男神、女神,無論外貌、興趣、條件都勁襯,如果真係拍拖,肯定會成為花滑歷史上最觸目嘅情侶。

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!