掃呢頁CODE去手機

2018年5月19日 星期六

梁焯滿肺有陰影:驚係Cancer __,梁焯滿,

愁爆現身醫院<br>身形瘦削的梁焯滿現身醫院求診,因病況未明而憂心忡忡。
梁焯滿肺有陰影:驚係Cancer被網友封為「三級片專業戶」的43歲男藝人梁焯滿可算是「地獄黑仔王」,去年驚爆前妻腦中風過身,留下一名兒子要照顧。近年他 ...


梁焯滿肺有陰影:驚係Cancer

被網友封為「三級片專業戶」的43歲男藝人梁焯滿可算是「地獄黑仔王」,去年驚爆前妻腦中風過身,留下一名兒子要照顧。近年他經濟狀況好轉,卻被拍到憂心忡忡現身醫院,他接受訪問時直認照X光發現肺部有陰影,擔心患肺癌!

1989年香港小姐季軍梁佩瑚胞弟梁焯滿入行逾22年,拍過多部三級片,最令人印象深刻是《古惑仔》系列「肥屍」一角,惟多年來星途平平,多演小角色,反而黑仔事件一單接一單,去年驚爆他與2003年結婚的太太陳靜霞於2006年已離婚!

唔介意被叫茄喱啡

昨日梁焯滿被發現現身伊利沙伯醫院胸肺科,身形瘦削的他拿着一袋文件,全程愁容滿面,又頻頻傾電話及Send訊息,在醫院走廊踱步。事後記者致電梁焯滿求證,他承認到醫院求診,因最近做身體檢查時發現肺部有事,照X光肺部出現陰影,可大可小!

梁焯滿坦言擔心患肺癌,現正排期作進一步治療,希望吉人天相:「驚係Cancer,心情梗係唔好同擔心可能係以前食得煙多,有時返大陸登台,人哋畀煙又唔好意思拒絕,但呢一個月已經完全戒咗煙。」他直言家人非常擔心,但相信他們無論精神上或經濟上都會支持自己。

「肥屍」梁焯滿曾於電影中「兇」陳小春。
  • 「肥屍」梁焯滿曾於電影中「兇」陳小春。
梁焯滿排隊排期覆診,不時以手遮面,似怕被人認出。

  • 梁焯滿排隊排期覆診,不時以手遮面,似怕被人認出。

問到其經濟狀況,梁焯滿表示有買保險,加上近年經常登台,又有執導拍戲。對於人生似乎充滿黑仔事,樂觀的他說:「每個人都有高低起伏啦,我又唔會諗得太悲觀,好似拍戲咁,以前會介意人哋話我係茄喱啡,但近年已經冇所謂,既然我鍾意呢個行業,就會一直做落去。」

梁焯滿專心看醫院的健康指南。

  • 梁焯滿專心看醫院的健康指南。
等睇醫生期間,梁焯滿不停撳電話。

  • 等睇醫生期間,梁焯滿不停撳電話。

不影響搏殺計劃

梁焯滿又稱即使健康出現問題,仍然不會停工,繼續登台搵銀,並會擴充汽車美容生意業務。而他早前自編自導自演的內地網絡大電影,請來一眾好友參演,計劃再拍一部,更兼任投資者:「內地市場好大,唔想放過呢個機會,個病再睇吓點,暫時唔影響我搏殺嘅計劃。」

文:影視組






鍾意就快D Share啦!