掃呢頁CODE去手機

2018年5月19日 星期六

英超Fever:【費爵爺效應】曼聯魔性澎湃 英足盃截車 __,曼聯,

即上英超刨績王:http://win.on.cc/epl 今晚英格蘭足總盃決賽於溫布萊球場爆發,由車路士硬撼老對手曼聯,兩隊為免今季空手而回必搏甩髀, ...




即上英超刨績王:http://win.on.cc/epl 

今晚英格蘭足總盃決賽於溫布萊球場爆發,由車路士硬撼老對手曼聯,兩隊為免今季空手而回必搏甩髀,車路士季尾崩潰,同領隊干地前途不穩有關,盛傳佢預咗執包袱搞到軍心散渙;「紅魔鬼」眾志成城,誓要將冠軍獎杯送畀留院養病嘅費格遜,兩隊士氣差天共地,平手盤曼聯有1.84倍,屬樂比心水之選。(ViuTV 99及Now 633周日凌晨零時15分直播)

上季英超冠軍車路士今季可謂令人失望,連前4資格都保唔住,來季將缺席歐聯。本來「車仔」喺聯賽一早被甩開,晨早打定輸數,點知利物浦季尾接連失分,令「車仔」重撚前4希望,但尾二一輪對哈特斯菲爾德時玩輪換失分,自毁長城,繼而喺煞科戰再大敗畀紐卡素0比3,「藍戰士」士氣低無可低,孭晒鑊嘅領隊干地亦預計冇得留低。

曼聯季尾表現雖然唔突出,但由於早已確定聯賽亞軍席位,可以專心備戰今場決賽,值得留意係曼聯喺2月至4月期間,接連擊敗曼城、車路士、熱刺、利物浦及阿仙奴5支Big 6球隊,可見領隊莫連奴已搵到擊退強敵嘅勝利方程式。

今晚睇好曼聯嘅另一原因,就係德高望重嘅前「紅魔」領隊費格遜目前仍留院觀察,自佢患病入院施手術後,全球球圈都對佢嘅健康表達關心,好似桑馬達、麥湯米尼等人亦揚言要將冠軍獎盃送畀佢老人家,呢份決心絕對唔可以睇少,再者阿歷斯山齊士肯定會係車路士嘅心腹大患,皆因佢喺溫布萊球場上陣7次射入過8球,可謂「A山」福地。

今仗亦係兩軍統帥嘅面子之戰,最擅長挖人瘡疤嘅莫連奴,經常將干地以往喺意甲打假波被罰停賽嘅事掛喺口邊,激到干地生蝦咁跳,車路士陣中唔少球員都畀「寸王」教過,莫帥對佢哋嘅特性瞭如指掌,亦係曼聯着數之處,從各方面睇曼聯都有優勢,平手盤必撐!

Go Go 開波 GOAL DX 策略手遊

贏盡100萬現金獎賞:https://goo.gl/irtKhK 

東網體育FB同你追實體壇每個精彩時刻!

http://bit.ly/2ecTF2A 


來源 source: http://hk.on.cc
鍾意就快D Share啦!