本港零食舖愈開愈多，競爭激烈，經歷高山低谷的759阿信屋老闆林偉駿曾坦言要「死守」生意。他日前接受本報專訪時分享業務近況，指阿信屋已由昔日市民心目中的偶像商店，轉向務實型屋邨士多。對於行業前景是否依然一片光明？自嘲「做咗幾廿年人都碰到一面灰」的林老闆說：「大家心知肚明。」
林偉駿說，從不視「死敵」優品360、價真棧等為競爭對手，因大家貨種不盡相同，前者主要售賣大牌子如明治、固力果、瑞士三角朱古力等水貨，後者主打糧油雜貨，阿信屋則兩者皆賣。現時阿信屋有約50%日韓貨品，本地貨如地捫罐頭、李錦記醬料等佔16%，其中大牌子水貨佔不足5%，因為賣這些貨絕不好賺。
「如果你做嗰啲大牌子水貨，三角朱古力、麥提莎嗰啲呢，利潤率好低架咋，根本好難維持正式規模」。不單零食舖，現在藥房都賣零食，更可謂賤價出售。「擺喺藥房賣嗰啲嘢好平？係呀，人哋執你一蚊幾毫呀嘛」，林偉駿說，藥房賣零食旨在吸人流，真正「搵錢」的是賣奶粉、賣藥品，上述的大牌子水貨，以阿信屋經驗，毛利率只有20%至30%，比日本直送貨品毛利率約37%低得多。
昔日過度擴張的阿信屋，分店數目曾一度媲美「7仔」，高峰期分店多達271間，但一朝得志瘋狂開舖的代價，是花兩年多的時間療傷。林偉駿看到公司樓下的珍珠奶茶舖，似是看到阿信屋的影子：「（觀塘）巧明街做珍珠奶茶嗰啲，好似喜茶之類嗰啲呢，嘩！啲人企到好滿，跟住呢度又開，嗰度又開，跟住點呀？原本企到滿嗰啲會少人架嘛！」以為敢搏就會成功，但原來世界不屬於你，「做咗幾廿年人都碰到一面灰，要引以為戒」。
目前阿信屋分店回落至202間，較高峰期減少近70間。林偉駿坦言，分店規模再縮也得維持在約180間，因為供應商關心分店規模，有規模才有議價能力，雙方易於建立關係，業主有好舖位才會想起你。
記者：邱曉欣
|
鍾意就快D Share啦！
|
|
|