現年31歲的落選港姐、於劇集《宮心計2深宮計》演宮女的李美慧昨日嫁入豪門，跟56歲富商曾文豪在淺水灣酒店簽紙行禮，賓客包括樂易玲、陳展鵬、陳爽跟楊明、李民橋夫婦和許晉亨等，而曾文豪的三個女兒及外孫亦到齊。
金牛成吋厚
一對新人依足傳統，曾文豪率領胞弟曾文能、兩個女婿組成的兄弟團去接新娘，而曾文能的舊愛陸詩韻也同場做姊妹。新郎被罰吃尿片上的食物，更給了成吋厚的金牛做開門利是。曾文豪從外母接過穿裙褂的老婆李美慧，當外母訓示他要錫囡囡時，曾文豪搞笑地爆金句：「總之當埋佢係女」、「最緊要整到我長命。」
在酒店行禮後，曾文豪細心扶着大肚的李美慧落樓梯受訪，提到出嫁心情，李美慧說：「噚日諗住令到自己攰啲，所以出海游咗一個晏晝，點知夜晚返到去都係成晚瞓唔着，直到𠵱家都未瞓過，唔知興奮定緊張，驚啲嘢安排得唔好，好多謝老公。不過頭先台上致辭時，腦中一片空白，唔知自己想講乜。」曾文豪則說：「我都有好多嘢想講，怕overrun冇講。」
李美慧透露8月完成工作後停工養胎，問到婚後會否不工作，曾文豪即搶答：「唔會，佢鍾意就得。」李美慧即冧爆表示：「我老公好好。」
戴婚戒爆喊
姊妹團成員楊埕就爆婚禮過程：「牧師講嘅經文同愛的宣言一樣咁長，新娘係一個好堅強嘅女仔，平時唔易喊，今日喊咗好多次，註冊儀式戴婚戒一刻已經喊，講宣言致辭唔夠三十秒又喊。」
採訪：馬建華
攝影：林賓尼
|
鍾意就快D Share啦！
|
|
|