網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年6月8日 星期五

恭碩良:又笑又喊!搖滾大俠奏憶家駒勁心噏 __,恭碩良,

見到堂堂大男人喊真係好心噏!由恭碩良(Jun)、單立文(豹哥)、黃貫中(Paul)、夏韶聲(Danny)及鄧建明(JoeyTang)聯合舉行的《搖滾大 ...


見到堂堂大男人喊真係好心噏!


由恭碩良(Jun)、單立文(豹哥)、黃貫中(Paul)、夏韶聲(Danny)及鄧建明(Joey Tang)聯合舉行的《搖滾大俠奏HKBAND》演唱會於紅館舉行首場演出,五子Rock爆紅館!恭碩良在台上感謝四位隊友,透露自己15歲時已跟着夏韶聲在伊館首次開騷、開展了音樂生涯,10年後接到鄧建明電話,邀請自他參與蘇永康的音樂會,2010年就與黃貫中同公司工作七年,直言黃貫中是Rock Star,無人能及,亦是他令自己堅持音樂夢,黃貫中則笑指:「你咁講我會折㗎!」最搞笑就是講與單立文如何認識,他笑謂:「單立文,我細細個就知,因為澳門有啲另類嘅戲院,過咗三十年後,有一日我喺街度撞到佢,同佢講覺得佢好熟面口,佢就話係咪見過我唱歌?我就話你係咪拍過嗰部咩咩團!」暗指單立文曾拍三級片,單立文就反駁謂: 「我從影之後就創新咗個新職位,叫做床上武術指導!多謝我啦,係我創㗎!」二人妙語連珠,十分搞笑!

五子輪流獨唱

演唱會亦每人有獨唱時間,在每人獨唱時更放出小時候及年輕的照片,單立文就笑謂:「我今日要淪落到唱歌,因為我覺得自己把聲好難聽,所以我成日講粗口囉!」然後唱出《豈有此理》,未幾,另外四子輪流獨唱,包括鄧建明唱《一家一減你》,黃貫中唱《灰色軌跡》後,感觸的說:「好朋友,生日快樂,雖然仲有幾日,我哋永遠唔會忘記你,一切在心中!」而6月10日正正是歌手黃家駒的生忌。

5子互窒好爆笑

演唱會上有問答環節,單立文拿出一疊由粉絲寫的問題,他問黃貫中:「你鍾意你個女多啲定係老婆多啲?」黃貫中直言:「梗係我老婆」又問他:「你鍾意Beyond定HKBAND多啲?」黃貫中又直言:「梗係Beyond啦,無Beyond根本無我!」,單立文又笑問夏韶聲:「你最鍾意邊段婚姻?」又整蠱恭碩良問:「 你鍾意過農曆年多啲定係林憶蓮?」 恭碩良就冧爆表示:「我鍾意農曆年同林憶蓮過!」四位隊友亦不放過單立文,笑問他:「 鍾意拍電視劇多啲定鍾意拍電影?」引來全場大笑!

葉世榮擔任嘉賓

演唱會亦邀得黃貫中在Beyond中的隊友葉世榮擔任嘉賓,五子與對方合唱兩首歌,久未在港露面的葉世榮則表示很開心見到香港觀眾。單立文則邀請太太胡蓓蔚擔任嘉賓合唱一曲。 單立文笑指:「人生最苦難就係同我老婆唱歌,大家好好Enjoy!」又對老婆大講冧說話:「我對住佢十幾廿年,真係一物治一物,我咁嘅人都有人鍾意我!」

悼念已故歌手

五子亦表達了對已去世的歌手深深的感受,單立文直言當年黃家駒意外離世,那一年他一聽到Beyond的歌就會喊,未幾就痛哭,黃貫中就在旁安慰,指相信有一日,大家都會再見面,眾人亦帶領觀眾齊齊向快將生忌的黃家駒講Happy Birthday,五子齊唱

《我們還有一樣的夢》時,螢幕上播出已故歌手的照片,包括黃家駒、羅文、梅艷芳及David Bowie。眾人合唱多首金曲《愛空間》、《每一句說話》、《童年時》後,再encore唱《你著幾號鞋》、《今日昨日》、《can't bring me down》及《長城》後,演唱會正式完結,於晚上十一時二十分散場,未有超時。

----------------------------

東網巨星開咗ig喇,大家快啲follow

https://bit.ly/2JjSVcr


來源 source: http://hk.on.cc
鍾意就快D Share啦!