周秀娜與李克勤昨日在旺角出席The Club派發睇世界盃「一日通行證」活動，娜姐揚言一定會看世界盃：「我都想親身去現場睇決賽，但撞咗時間，所以就唔去喇。」對於她早年投資逾百萬的內衣網店，有網民發現近日已結業，更彈出「因欠費而被終止所有伺服器及其網絡運作」訊息，娜姐表示：「其實兩年前已經結束咗同呢間公司（Laanaa）嘅合作關係，因為當時覺得大家嘅諗法唔同，所以就退出咗喇。」
| | |
曾被爆拖糧
問娜姐是否蝕錢離場，她表示：「仲有錢賺，不過賺幾多就唔記得喇。因為嗰時啱啱開店，主力係網上生意，成績都幾好，回咗本賺埋錢。但後來佢哋想開地舖，我就覺得自己冇咁多時間兼顧，而且香港租金人工都貴，需要好多支出，想法不一致，咁不如暫時分開。」之後，娜姐就未有再為此公司代言，對於該公司爆出拖糧事件，娜姐稱未聽聞：「每次開會都係傾吓有乜新款式，冇聽過拖糧事件。」
此外，克勤今屆有份唱的世界盃主題曲會在ViuTV播，問到會不會怕激嬲無綫？他表示：「都有問過老闆楊受成，本來話唔同公司所以唔得，但因為校長（譚詠麟）開口，呢件係盛事，所以就破例。」
採訪：王連連
攝影：仇志德
|
鍾意就快D Share啦！
|
|
|
