或者有人認為杜汶澤口不擇言，但講得夠放無負擔，往往會令成件事生色不少，就好似佢為ViuTV拍攝嘅《走佬去台灣》咁，落街市買棵菜都可以同菜檔老闆娘分享食女經驗：「我非洲人都試過，我告訴你。」
基於港人移台步伐加密，曾經著草到台灣避債一年嘅杜汶澤重返舊地，為《走佬去台灣》作親身體驗，率先為考慮移台嘅你哋了解一下台灣嘅居住、工作環境、日常生活等等。最新一集嘅節目中，杜汶澤嘅台灣室友要求佢煮一餐道地香港菜，於是阿澤走入台灣道地街市買菜，點知買幾條菜佢都可以講到人哋阿媽身上，真係相當又好笑。
「煮啲屋企嘢囉，即係唔好煮九大簋。煮我媽媽嘅味道啦，因為佢阿媽嘅味道我唔知，我無理由無端白事試人哋阿媽嘅味道，啱唔啱先？」阿澤說。
之後阿澤嚟到菜檔，同老闆娘閒談期間愈講愈有味，阿澤仲爆埋自己「試過」非洲女性添：「這是唐生菜嗎？（不對。）又不對？叫什麼？（很美的菜，大陸妹。）我很怕呀！我愛台妹。（不要害怕，你試過嗎？）我有什麼沒試過？我45歲了，我非洲人都試過，我告訴你。（真的嗎？非洲人屁股比較大。）可是她搖 哎呀！不要講了，一講我又想起來了。」講真，學網民話齋：「阿澤騾仔都試過啦，非洲妹算什麼？」
星期一至五晚上十點半，臨瞓前嚟個杜汶澤小小鹹多多趣，其實都幾過癮。
來源 source: http://nextplus.nextmedia.com
|
鍾意就快D Share啦！
|
|
|