韓國女星宋慧喬去年10月嫁給宋仲基，升呢人妻後前日首度來港，昨日在中環出席名錶店舖開幕。喬妹駁了長髮現身，左手戴上婚戒，十分搶鏡，更心情靚爆用韓文打招呼：「有機會再見很久不見的港迷真的好開心、好幸福。」
恭喜黎明生女
喬妹晚上轉場出席手錶店派對，同場還有苟芸慧、王曼喜和鄧鉅明等。喬妹事前透過大會講明不回答有關私人生活及黎明等問題，最終還是大方回答。她表示香港有好多朋友，可是行程緊密，問到可有探好友黎明的囡囡時，喬妹興奮大笑，直認有睇新聞，也恭喜他，但今次未必可以見面。喬妹自爆有計劃生B，但未知何時，有傳她會與朴寶劍合演新劇《男朋友》，她指考慮中。問到是否享受現在生活時，喬妹指現在有很多時間去旅行、睇戲和見朋友，似乎相當滿足。
苟芸慧前日往機場接爸爸機時，竟碰見喬妹抵港，她大讚喬妹和宋仲基有夫妻相：「好sweet！」記者問她跟未婚夫陸漢洋可有夫妻相？她答：「嘩，好驚喎！其實有啲位就越嚟越似嘅，佢話我識得佢越耐就越嚟越靚囉，我笑吓就算，我覺得佢對眼大咗，因為前排同佢影咗一輯相，當時以為佢劃咗眼線，但原來係冇嘅。」問何時影婚紗相？她說：「安排緊，我諗都會喺歐洲。」
講到婚期，苟芸慧大賣關子：「應該係年尾嘅，但陸漢洋唔想講咁多婚期嘅嘢畀我知，不過就有同我父母商量。我呢排都好忙，冇專心搞婚禮嘅嘢，希望6月後佢比賽完，靜一陣，一生人一次，都希望有機會參與吓嘅。」
| | |
王曼喜有自信
王曼喜拋胸撐場，強調做足安全措施，她剛到美國出席妹妹王麗嘉畢業禮返港。談到妹妹將返港從事時裝相關的工作及模特兒，那豈非兩姊妹可以齊齊穿泳衣？王曼喜笑言：「妹妹着得多啲。」她不妒忌妹妹大胸，認為自信最重要。
採訪：文凱靈、羅慧敏
攝影：林賓尼
|
鍾意就快D Share啦！
|
|
|