嘩！呢對又白又滑嘅長腿喺邊個嘅呢？原來係⋯⋯五十有四嘅官晶華呀！係咪估佢唔到呢?
當年喺肥姐手上奪得鄭少秋，官晶華同秋官唔經唔覺都結咗婚三十年喇！兩個女都大晒，兩公婆仲成日孖住呢度去嗰度去，不知幾恩愛。
早排《壹仔》先見到佢地拍拖行超市。雖然已經老夫老妻，但官晶華都明顯悉心打扮。三十幾度高溫，整返條熱褲，晒下白滑長腿，果然勇氣可嘉！不過對於五十有四嘅官晶華黎講，呢條腿又keep 得幾靚嘅！同阿女有得揮架!相反，咁多年身形都冇乜點變嘅秋官，呢日竟然唔小心凸咗個肚腩出黎。
兩公婆買一份三明治兩份食，秋官負責嗌，官晶華就排隊比錢。比完錢官晶華就撇甩老公，自己走咗去買護膚品。Sales姐姐力sale 之下，官晶華諗都唔諗就碌卡。所以話呢！女人錢真係好易賺架！
立即下載Apps，隨時隨地睇盡時政專題、深度偵查、娛樂熱話！
按此連結：http://bit.ly/next28app
- 三十幾度高溫，整返條熱褲，晒下白滑長腿，果然勇氣可嘉！
- 咁多年身形都冇乜點變嘅秋官，呢日竟然唔小心凸咗個肚腩出黎。
來源 source: http://nextplus.nextmedia.com
|
鍾意就快D Share啦！
|
|
|